რუსეთის თავდაცვის სამინისტროს თვითმფრინავში, რომელმაც კატასტროფა განიცადა, სამხედროებთან ერთად,  ცნობილი ჟურნალისტები, გადამღები ჯგუფები, რუსეთის ფედერაციის ჰუმანიტარული ფონდის „სამართლიანი დახმარება“ ხელმძღვანელი,  გაეროს კეთილი ნების ელჩი ელიზაბეტა გლინკა, ცეკვისა და სიმღერის ანსამბლის წევრები იმყოფებოდნენ. საერთო ჯამში ბორტზე 83 მგზავრი და რვა ეკიპაჟის წევრი იყო.

უფლებადამცველების ინფორმაციით, დოქტორ ლიზად ცნობილ უფლებადამცველს სირიის ლატაკიაში მედიკამენტები გადაჰქონდა.მან გამგზავრებამდე დახმარებისთვის რამდენიმე საერთაშორისო ჰუმანიტარულ ფონდს მიმართა და შეგროვილი მედიკამენტების სირიაში წაღება პირადად გადაწყვიტა.

ამასთან, ცნობილი ხდება, რომ ჩამოვარდნილი თვითმფრინავის  ბორდზე იმყოფებოდნენ ცნობილი რუსი ჟურნალისტები, მათ შორის პირველი არხის ჟურნალისტი დიმიტრი რუნკოვი, ოპერატორი ვადიმ დენისოვა და  ხმის რეჟისორი  ალექსანდრე სოიდოვი, „ენტევესა“ და ტელეკომპანია „ზვეზდას“ გადამღები ჯგუფები.

რუსეთის თავდაცვის სამინისტროს  თვითმფრინავი  „ Tu-154“ სოჭიდან სირიის ქალაქ ლატაკიაში მიემგზავრებოდა, სადაც  წინასაახალწლო კონცერტი იყო დაგეგმილი.  მათ სირიაში დისლოცირებული რუსული ბაზისთვის ახალი წელი უნდა მიელოცათ. თვითმფრინავის ნამსხვრევები  სოჭში, შავი ზღვის სანაპიროზე აღმოაჩინეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აშშ-ის სასამართლომ ტრამპის 1.8 მილიარდი დოლარის ოდენობის კომპენსაციის ფონდი დაბლოკა

პაპუაშვილი - პარლამენტში პარტია „საქართველოსთვის“ სახელით მყოფი ხალხი უნდა მიხვდეს, რომ გაქცეული გახარია ამათ დასცინის

ბენზინის დეფიციტის გამო, რუსეთი თვითმფრინავებისთვის საწვავის პრობლემებია

ორწლიანი პაუზის შემდეგ თელ-ავივში მასშტაბური გეი აღლუმი გაიმართა