უახლოეს დღეებში გუდაურში, თეთნულდზე და ბაკურიანში, მიტარბის ახალ კურორტზე ახალი საბაგირო გაიხსნება. ამის შესახებ საქართველოს პრემიერ-მინისტრმა გიორგი კვირიკაშვილმა მთავრობის დღევანდელ  სხდომაზე განაცხადა.

ამასთან, კვირიკაშვილის განმარტებით, ზამთრის სეზონზე  უამინდობის გამო, ხშირი შეფერხებებია. მან რეგიონული განვითარებისა და ინფრასტრუქტურის მინსტრს დაავალა, ტურისტებისთვის კურორტებზე შეფერხებების გარეშე გადაადგილება უზრუნველყოს.

„მინდა, ინფრასტრუქტურის მინისტრს დავავალო, ადგილობრივ ხელისუფლებასთან ერთად, მაქსიმალურად ყველაფერი გააკეთოთ იმისათვის, რომ შეფერხებები არ ჰქონდეთ ტურისტებს, როგორც ქვეყნის გარედან, ასევე ჩვენს მოქალაქეებს, რომლებსაც ექნებათ სურვილი, რომ ამ კურორტებზე დაისვენონ. ეს ძალიან მნიშვნელოვანია, თითოეული დამსვენებელი აისახება ჩვენი ქვეყნის მოქალაქეების, განსაკუთრებით მთაში მაცხოვრებელების ეკონომიკურ მდგომარეობაზე. ეს არის უზარმაზარი ეკონომიკური კომპლექსი, რომელიც მუშაობს არა მხოლოდ მთის, რამედ ქვეყნის განვითარებაზე. ამიტომ, მაქსიმალურად ყველაფერი გააკეთეთ, რომ შეფერხებები არ იყოს ზამთრის სეზონში“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დევდორაკის ხეობაში მეწყერის საფრთხის დონე მოხსნილია, მუშაობა განაახლა გამშვებმა პუნქტმა დარიალმა

25 სექტემბრის მდგომარეობით, კახეთში გადამუშავებულია 60 ათასი ტონა ყურძენი

ყაზბეგის საბაჟომ მუშაობა განაახლა

საქართველოს ბანკის მომხმარებლებს Western Union-ის გზავნილებზე 50%-იანი ფასდაკლებით სარგებლობა შეუძლიათ