საქართველოს ეროვნულ ბანკთან საინციატივო ჯგუფის საპროტესტო აქცია მიმდინარეობს.

როგორც აქციის ორგანიზატორები აცხადებენ, ისინი საფინანსო კომპანია „საქართველო“-ს  მიერ მითვისებული ანაბრების დაბრუნებას ითხოვენ. მათი თქმით, აღნიშნული კომპანიის და უშუალოდ ეროვნული ბანკის მხრიდან 2600 ადამიანია დაზარალებული.

აქციის მონაწილეები სებ-ის შენობასთან  ტრასპარანტებით არიან შეკრებილი  - „ძარცვა მთავრობის თვალწინ“ , „არაქმედითუნარიანი ეროვნული ბანკი“, „გაიტანეთ ანაბრები“. ისინი ეროვნული ბანკის პრეზიდენტ კობა გვენეტაძესთან ითხოვენ შეხვედრას.

„ეს არ არის ეროვნული ბანკი, ეს არის ეროვნული უბედურება. ჩვენ რამდენჯერმე შევიტანეთ განცხადება კობა გვენეტაძის სახელზე, მაგრამ არავინ გამოგვეხმაურა. ამიტომ ჩვენ გავაგრძელებთ პერმანენტულ აქციებს, თუ  დაგვჭირდა გადავკეტავთ ქუჩებს, გავმართავთ აქციას ყველა უწყებასთან, რადგან ამ პრობლემის გამო ბოლო ორი თვის განმავლობაში ჩვენ ოთხი ადამიანი დავკარგეთ“,-აცხადებენ აქციის მონაწილეები.

„ექსპრესნიუსის“ კორესპონდენტის ინფორმაციით, ადგილზე დაახლოებით 50 ადამიანია შეკრებილი. აქციის ორგანიზატორების თქმით, პარასკევს აქცია „რუთავი 2“-ის შენობასთან გაიმართება, შემდეგ კი, კვლავ ეროვნულ ბანკთან გაგრძელდება.

შეკრებილებთან სასაუბროდ სებ-ის ოფიაციალური წარმომადგენელი ჯერ არ გასულა.  

ადგილზე მობილიზებულია საპატრულო პოლიცია.

შეგახსენებთ, საქართველოს ფინანსთა სამინისტროს საგამოძიებო სამსახურმა 16 დეკემბერს, „საფინანსო კომპანია საქართველოს“ დირექტორი თამაზ ლობჟანიძე და კომპანიის ფაქტობრივი მმართველი მერაბ ფერაძე დააკავეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის