ნაძალადევში მცხოვრებ მოქალაქეებს, რომლებიც ელექტროენერგიითა და გაზმომარაგებით ვერ სარგებლობენ, შეშა ურიგდებათ.

თბილისის მერიის ინფორმაციით,  რაიონის მასშტაბით, სულ 1000-მდე ოჯახს გამოეყოფა ზამთრის სეზონისთვის აუცილებელი დახმარება.

მათივე ცნობით, თითოეული ოჯახი 1,5 კუბურ მეტრ შეშას მიიღებს, სულ 1600 კუბური მეტრი დარიგდება. სოციალურად შეჭირვებული მოსახლეობის დასახმარებლად ნაძალადევის რაიონის გამგეობა ბიუჯეტიდან 148 800 ლარს გამოყოფს.

დახმარება უკვე მიიღეს თემქის მცხოვრებლებმა. ამ ეტაპზე შეშის დარიგება სანზონაში მიმდინარეობს.

 ზამთრის მარაგი მიიღო გუდამაყრის #2-ში, კარდილოგიური კლინიკის ყოფილ შენობასა და ასევე ქარხანა „ალიონში“ მცხოვრებმა სოციალურად შეჭირვებულმა მოსახლეობამ. დახმარებას მიიღებს ყველა ის კომპაქტური ჩასახლება, რომელიც არ არის გაზიფიცირებული და არ მიეწოდება ელექტროენერგია. მომდევნო დღეებში შეშა დაურიგდებათ ლოტკინისა და ნაძალადევის უბნების მოსახლეობას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა