|
2016-12-16 19:27:59, 2543 ნახვა
ეკონომიკა
საქართველოს ეკონომიკისა მინისტრის მოადგილე უნგრეთის ეროვნული ეკონომიკის სახელმწიფო მდივანს შეხვდა
საქართველოს ეკონომიკისა და მდგრადი განვითარების მინისტრის მოადგილე გენადი არველაძებუდაპეშტშიუნგრეთის ეროვნული ეკონომიკის სახელმწიფო მდივან იშტვან ლეპშენს შეხვდა. ეკონომიკისა და მდგრადი განვითარების სამინისტროს ინფორმაციით, მხარეებმა ორ ქვეყანას შორის არსებულ სავაჭრო-ეკონომიკურ ურთიერთობებსა და სამომავლო თანამშრომლობის პერსპექტივებზე ისაუბრეს, მათ შორის - ვაჭრობის, ტურიზმის, ინვესტიციებისა და ტრანსპორტის სფეროებში. უწყების ინფორმაციით, შეხვედრაზე ასევე განიხილეს საქართველოსა და ევროკავშირს შორის ხელმოწერილი ასოცირების შეთანხმება ღრმა და ყოვლისმომცველი თავისუფალი ვაჭრობის (DCFTA)მიმართულებით. აღინიშნა, რომ ეს შეთანხმება საქართველოს კიდევ უფრო საინტერესოსდა მიმზიდველს გახდის უნგრული ბიზნესისთვის. ამასთან,მხარეებმა იმსჯელეს ორ ქვეყანას შორის ვაჭრობის და საექსპორტო პოტენციალის განვითარებისთვის ამ შეთანხმებით გათვალისწინებული შესაძლებლობებზე. გენადი არველაძემ და იშტვან ლეპშენმა ყურადღება გაამხვილესტურიზმის სფეროში ორ ქვეყანას შორის არსებულ დადებით ტენდენციებზე, რომელსაც საქართველოსა და უნგრეთს შორის პირდაპირი რეგულარული ავიარეისების ამოქმედებამმნიშვნელოვნად შეუწყო ხელი. აღსანიშნავია, რომ 2015 წელს უნგრეთიდან საქართველოში ტურისტების რაოდენობა 76 %-ით გაიზარდა, მიმდინარე წლის 11 თვის მონაცემებით კი, ამ მაჩვენებელმა წინა წლის ანალოგიურ პერიოდთან შედარებით 22 %-ით მოიმატა. ამასთან, საქართველოს ეკონომიკისა და მდგრადი განვითარების მინისტრის მოადგილე მიესალმა უნგრული ავიაკომპანია Wizz Air-ის გადაწყვეტილებას საქართველოში, კერძოდ, ქუთაისის საერთაშორისო აეროპორტში ბაზირებისადა ახალი მიმართულებების დამატების შესახებ. გენადი არველაძის განაცხადებით, აღნიშნული გადაწყვეტილება მორიგი წინგადადგმული ნაბიჯია ორ ქვეყანას შორის ეკონომიკური ურთიერთობებში. ეს თავის მხრივ, ხელს შეუწყობს საქართველოს ევროპასთან ინტეგრაციის პროცესს და მნიშვნელოვან როლს ითამაშებს ეკონომიკური ზრდის, კერძოდ, ტურიზმის განვითარების მიმართულებით. (NS)
მამა ლევანი ჯიქური კორუფციაზე: ამდენი წურბელა რომ გეყოლება ქვეყანაში, რამდენს აიტანს
ცვლილებისთვის: ვმუშაობთ სირიის მიერ ოკუპირებული ტერიტორიების დამოუკიდებელ სახელმწიფოებად აღიარების გაუქმებაზე
ნადარაია კვლავ გაკაპასდა - მე არ ვიცი, რა არის რუსული კანონი
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



