|
2016-12-16 18:50:26, 2090 ნახვა
ეკონომიკა
მეწარმეობის განვითარების სააგენტო სტარტაპ მარკეტ ექსპო 2016-ის მხარდამჭერია
საქართველოს ეკონომიკისა და მდგრადი განვითარების სამინისტროს მეწარმეობის განვითარების სააგენტოს მხარდაჭერით, 17-18 დეკემბერს ექსპო ჯორჯიას XI პავილიონში ერთ-ერთი ყველაზე დიდი და მრავალფეროვანი გამოფენა-გაყიდვა, „სტარტაპ ექსპო 2016“ გაიმართება. როგორც "ექსპრესნიუსს" ეკონომიკისა და მდგრადი განვითარების სამინისტროდან აცნობეს, აღნიშნული ღონისძიება ალტერნატიული, მულტიფუნქციური სავაჭრო სივრცეა, რომელიც ორიენტირებულია საქართველოში არსებული ბიზნესგარემოს გაუმჯობესებასა და ახალგაზრდა მეწარმეების პოპულარიზაციაზე. უწყების ინფორმაციით, მნიშვნელოვანია, რომ მსგავსი ღონისძიებები ახალგაზრდებში სამეწარმეო სულისკვეთებას აღვივებს და ხელს უწყობს მათ ადგილზე აწარმოონ ხარისხიანი და მიმზიდველი პროდუქცია. გამოფენა-გაყიდვაში მონაწილეობას მიიღებენ 16-მდე სხვადასხვა ინდუსტრიაში მოღვაწე დამწყები და წარმატებული მეწარმეები, მათ შორის სახელმწიფო პროგრამის „აწარმოე საქართველოში“ მიკრო და მცირე მეწარმეობის ხელშეწყობის კომპონენტის ბენეფიციარები, რომლებსაც ექნებათ უნიკალური შესაძლებლობა წარმოაჩინონ საკუთარი პროდუქცია და დაამყარონ მნიშვნელოვანი ბიზნესკავშირები. ამასთანავე, ღონისძიების ფარგლებში წარმოდგენილი იქნება მეწარმეობის განვითარების სააგენტოს სტენდი, სადაც დაინტერესებულ პირებს შესაძლებლობა ექნებათ გაიგონ მეტი სააგენტოს მიერ განხორციელებული პროექტებისა და სახელმწიფოს მხრიდან ბიზნესის მხარდასაჭერად შემოთავაზებული მექანიზმების შესახებ. გამოფენა-გაყიდვაში წარმოდგენილი იქნება პროდუქცია ტანსაცმლის, ფეხსაცმლის, აქსესუარების, ხის ნაწარმის, კერამიკის, მინანქრის, ტყავის, ავეჯის, სახლის დეკორის, თავის მოვლის საშუალებების, სურსათის, კვების, ონლაინ ბიზნესისა და სამკაულის ინდუსტრიებიდან. ღონისძიება სტუმრებს შაბათ-კვირის განმავლობაში 10:00 სთ-დან 18:00 სთ-მდე წერეთლის გამზ. #118-ში უმასპინძლებს. (NS)
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



