13:07 - 17 Nov, 2026
ჩვენ შესახებ რეკლამა/ხელმოწერა
2026-11-17 12:46:44, 229 ნახვა

სხვადასხვა
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს

აბუ-დაბის სისხლის სამართლის სასამართლომ მერაბ დვალიშვილზე თავდასხმის საქმეზე რვა მსჯავრდებულს სასჯელი შეუმსუბუქა - თითოეულ მათგანს პატიმრობის ნაცვლად 150 ათასი დირჰამის (დაახლოებით 106 ათასი ლარის) ჯარიმის გადახდა დაეკისრა.

17 ნოემბერს გავრცელებული განცხადების თანახმად, გადაწყვეტილებას საფუძვლად დაედო მხარეთა შერიგება, ურთიერთპრეტენზიებზე უარის თქმა და დაზარალებულის მიმართვა აბუ-დაბის მთავრობისადმი დაკავებულთა გათავისუფლების თხოვნით.

აბუ-დაბიში გამართული ჭიდაობის შემდეგ მერაბ დვალიშვილმა თავად ითხოვა თავდამსხმელების გათავისუფლება.

სასტუმროში მომხდარი დაპირისპირების საქმეზე სასამართლომ ექვსი პირი დამნაშავედ ცნო საზოგადოებრივი უსაფრთხოების დარღვევაში, პანიკის გავრცელებასა და ადამიანების სიცოცხლისთვის საფრთხის შექმნაში. თავდაპირველად თითოეულ მათგანს ექვსთვიანი პატიმრობა, 300 ათასი დირჰამის (დაახლოებით 212 ათასი ლარის) ჯარიმა და სასჯელის მოხდის შემდეგ დეპორტაცია შეუფარდა.

კიდევ ორი პირი დამნაშავედ ცნეს ჩხუბის ამსახველი კადრების გადაღებასა და ინტერნეტში გავრცელებაში. თითოეულ მათგანს 50 ათასი დირჰამის (დაახლოებით 35 300 ლარის) ჯარიმა დაეკისრა.





ავტორი: ცოტნე ტალახაძე, ექსპრესნიუსის რეპორტიორი 2019 წლიდან


სოციალური ქსელები
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics