ფრანსუა პეჰშო: სავალუტო ფონდი მხარს უჭერს ნებისმიერ ღონისძიებას, რაც წაახალისებს კერძო ინვესტიციებს

2016-12-15 10:50:15, 2222 ნახვა

ეკონომიკა

მთავრობას სჯერა, რომ მოგების გადასახადის დაბეგვრის მოდელის ცვლილება წაახალისებს კერძო ინვესტიციებს და მხარს დაუჭერს ეკონომიკურ ზრდას", - განაცხადა საერთაშორისო სავალუტო ფონდის მუდმივმა წარმომადგენელმა საქართველოში ფრანსუა პეჰშომ გადაცემა „ბიზნესკონტაქტთან" ინტერვიუს დროს.

მისი თქმით, სავალუტო ფონდი მხარს უჭერს ნებისმიერ ღონისძიებას, რაც წაახალისებს კერძო ინვესტიციებს.

„თუმცა ჩვენს შეშფოთებას, ძირითადად, განაპირობებდა ამ რეფორმის შედეგად ბიუჯეტში შემოსავლების კლება, რაც, დაახლოებით, 500 მილიონი ლარის ფარგლებში იყო მოსალოდნელი. ჩვენ მთავრობას ვურჩიეთ, კერძო ინვესტიციები წაეხალისებინა ბიზნეს კლიმატის და საკუთრების უფლების დაცვით, რასაც ხელს შეუწყობდა მიწის რეგისტრაციის რეფორმა, გადახდისუუნარობის საქმის წარმოების საკანონმდებლო ჩარჩოს დახვეწა და განათლების, კერძოდ კი პროფესიული განათლების ხელშეწყობა", - აღნიშნა ფრანსუა პეჰშომ.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან