პრეზიდენტის საპარლამენტო მდივანი გიორგი კვერენჩხილაძე საკანონმდებლო ორგანოს მიმართავს, რომ პრეზიდენტის გიორგი მარგველაშვილის ყოველწლიურ მოხსენებაზე, მთავრობის, სასამართლო ხელისუფლებისა და დიპლომატიური კორპუსის წარმომადგენლების დასწრება უზრუნველყოს.

როგორც კვერენჩხილაძემ ჟურნალისტებს განუცხადა, ის პარლამენტს ამ მოთხოვნით ოფიციალურად, წერილობითი სახით მიმართავს.

 „ამ მოხსენების განხილვას პარლამენტის პლენარულ სხდომაზე უნდა დაესწროს აღმასრულებელი და სასამართო ხელისუფლების წარმომადგენლები, ასევე დიპლომატიური კორპუსის  და იმ ინსტიტუციების წარმომადგენლები, რომლებიც ტრადიციულად პრეზიდენტის ყოველწლიურ მოხსენებას ესწრებოდნენ. ეს განპირობებულია თავად მოხსენების მნიშვნელობით, ასევე ინსტიტუციური თანამშრომლობისა და ხელისუფლების ერთიანობის ფუძემდებლური პრინციპებით. ჩვენ გვინდა,  ვთხოვოთ საქართველოს პარლამენტს, რათა მათ უზრუნველყონ აღმასრულებელი და სასამართლო ხელისუფლებების , ასევე დიპლომატიური კორპუსისა და სხვა ინსტირუტიციების წარმომადგენლების მოწვევა პრეზიდენტის ყოველწლიურ მოხსნებაზე დასასწრებად. შესაბამისად ამ თხოვით, ოფიციალურად, წერილობითაც მივმართავთ საქართველოს პარლამენტს“, - აღნიშნა კვერენჩხილაძემ.

ცნობისთვის, გიორგი მარგველაშვილი პარლამენტის წინაშე მოხსენებით 31 დეკემბერს წარსდგება.  თუმცა, რა ფორმატში მოხდება ეს, ამაზე საკანონმდებლო ორგანოში გადაწყვეტილება ჯერ არ მიუღიათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გახარია: ივანიშვილის რეჟიმმა პარლამენტში ერთ ოპოზიციურ პარტიასაც კი ვერ აიტანა

ბიძინა ივანიშვილის შეურაცხყოფისთვის მალხაზ მაჩალიკაშვილი 1000 ლარით დააჯარიმეს

მაჭავარიანი- ხელისუფლება იცავს ყველაფერს, რაც ქართულ გენეტიკაშია კოდირებული

რეზო გიგინეიშვილმა მხარი დაუჭირა სინდისის პატიმარ მსახიობ ანდრო ჭიჭინაძეს