მოსწავლე-ახალგაზრდობის ეროვნულ სასახლეში თბილისის მერიის სტაჟირების პროგრამის ,,დაიწყე კარიერა" (მეორე ეტაპი) დასკვნითი ცერემონიალი გაიმართა.

დედაქალაქის მერმა დავით ნარმანიამ მოადგილესთან, ირაკლი ლექვინაძესთან და მერიის განათლების, სპორტისა და ახალგაზრდულ საქმეთა საქალაქო სამსახურის უფროსთან, ირაკლი გვილავასთან ერთად პროგრამის მონაწილე წარმატებულ სტუდენტებს სერტიფიკატები გადასცა.

„სტუდენტებმა გაიარეს სტაჟირება მერიის სხვადასხვა უწყებებში და განსაკუთრებით წარმატებული სტუდენტები დაჯილდოვდნენ. მნიშვნელოვანია ის, რომ ჩვენ აქტიურად ვუდგავართ მათ გვერდით და ძალიან ბევრი სტუდენტური, ახალგაზრდული, სპორტული პროექტი და პროგრამა გვაქვს, რათა მათი ხმა ქალაქში ყოველთვის ისმოდეს სათანადოდ. ეს ყველაფერი მათ სამომავლო, პროფესიული, კარიერული ზრდისთვის დაეხმარება რასაკვირველია, რათა ცხოვრებაში უფრო უკეთ გაიკვალონ გზა,“- განაცხადა თბილისის მერმა, დავით ნარმანიამ.

დღესვე თბილისის მერმა სტუდენტებს პროექტის მესამე ეტაპის შესახებ მიაწოდა ინფორმაცია. რეგისტრაცია მერიის ოფიციალურ ვებ-გვერდზე (www.tbilisi.gov.ge) 2 დეკემბრამდე იქნება შესაძლებელი. 

სტაჟირების პროგრამის მეორე ეტაპი (2016 წლის 1 ივნისიდან 1 აგვისტომდე) წარმატებით 43-მა სტუდენტმა   დაასრულა. მათ პრაქტიკული კურსი მერიის სტრუქტურაში შემავალ 9 ორგანიზაციაში გაიარეს.

პროექტი  2015 წლის დეკემბრიდან ხორციელდება და მერიის მიერ დაფუძნებულ ორგანიზაციებში დამამთავრებელი  კურსის სტუდენტთა სამთვიან სტაჟირებას გულისხმობს. აღნიშნული ინიციატივა სტუდენტებს აძლევს შანსს  სპეციალობის შესაბამისად აიმაღლონ პრაქტიკული უნარ-ჩვევები.

პროგრამა მოთხოვნადი და წარმატებული აღმოჩნდა. განხორციელების პირველ და მეორე ეტაპზე სტაჟირება  ჯამში  200-მდე სტუდენტმა გაიარა და აქედან 6 დასაქმდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ანგარიშის თანახმად, ევროკავშირი საკმარისად სწრაფად და ეფექტურად არ აშენებს თავის თავდაცვით შესაძლებლობებს

მაკრონმა ტრამპი გააფრთხილა, რომ აშშ-ის ნავთობის ექსპორტის შეჩერება ფასების ზრდას გამოიწვევდა.

ზელენსკიმ განაცხადა, რომ „ანკორიჯის შეთანხმებები“ მოლაპარაკებებში აღარ განიხილება

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ