„რუსთავი2“-ის გენერალური დირექტორის ნიკა გვარამიას განცხადებით, იმ შემთხვევაში, თუკი უზენაესი სასამართლო, ტელეკომპანიის იურისტების  სარჩელს არ დააკამყოფილებს, მასშტაბურ საპროტესტო აქციებს დაიწყებენ.

გვარამიას თქმით, სამართლიანობის პირობებში, უზენაესმა სასამართლომ არა მხოლოდ ქვედა ინსტანციაში უნდა დააბრუნოს საქმე, არამედ შეცვალოს გადაწყვეტილება, რომლის მიხედვითაც, ტელეკომპანია ქიბარ ხალვაშს აქვს მიკუთვნებული:

 „ჩვენ გამოვიყენებთ კანონით და საერთაშორისო კონვენციებით დაშვებულ ყველა შესაძლებლობას, რომ შევცვალოთ ის სტატუსკვო, რომელიც არის.  სასამართლო სისტემამ სრულიად მოგვაკლო შესაძლებლობა, რომ პროგნოზირება მოვახდინოთ, რაციონალური პროგნოზები გავაკეთოთ იმდენადად, რამდენაც პირველი ორი ინსტანციის გადაწყვეტილება იყო სრულიად არარაციონალური და უკანონო. უკანონობის პროგნოზირება ძალიან რთულია ამ ვითარებაში. ელემენტარული საღი აზრი თუ არსებობს უზენაეს სასამართლოში,  მაშინ კითხვის ნიშნები საერთოდ არ უნდა არსებობდეს. თუ ელემენტარული  საღი აზრი არსებობს ამ შენობაში, გავიმარჯვებთ და არა მხოლოდ უკან დაბრუნდება საქმე,  არამედ უზენაესმა სასამართლომ საერთოდ უნდა გააუქმოს ეს გადაწყვეტილება, ახალი გადაწყვეტილება უნდა მიიღოს და ქიბარ ხალვაშს უარი უთხრას“,-აღნიშნა ნიკა გვარამიამ.

უზენაესი სასამართლო  „რუსთავი 2“ -ის საქმის განხილვას დღეს  იწყებს.  სასამართლო კოლეგია ტელეკომპანიის იურისტების სარჩელს განიხილავს, რომლის მიხედვითაც, „ რუსთავი 2“ მოითხოვს, უზენაესმა სასამართლომ  სააპელაციო სასამართლოს გადაწყვეტილება გააუქმოს. სააპელაციო სასამართლოს გადაწყვეტილებით,  ტელეკომპანია ქიბარ ხალვაშს მიეკუთვნა. ტელეკომპანიის იურისტები საქმის  ქვედა ინსტანციაში დააბრუნებასაც ითხოვენ.

სხდომა დახურული იქნება  და მას მხოლოდ მხარეები დაესწრებიან.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

არასერიოზულია იმის მტკიცება, რომ ცალკე აღებულმა, "ენერგო-პრო ჯორჯიას“ ხაზმა შესაძლოა გამოიწვიოს ქვეყნის სრული გათიშვა - მიხეილ ბოცვაძე

საქართველოს ბანკი - ფოთის საჭადრაკო ფესტივალზე ქართველი მოჭადრაკეების მთავარი მხარდამჭერი | ტურნირის შეჯამება

საქართველოს ბანკის მხარდაჭერით, მეწარმე ქალებისთვის გაყიდვების თემაზე ვორკშოპი გაიმართა

მედია: ამერიკისა და ისრაელის სადაზვერვო სააგენტოები ირანის ახალ უზენაეს ლიდერს ეძებენ