2016-11-18 21:51:53, 1117 ნახვა
პოლიტიკა
უკრაინის გენერალური პროკურორი სააკაშვილის ქართული მხარისთვის შესაძლო გადაცემას უარყოფს
უკრაინის გენერალური პროკურორი იური ლუცენკო უკრაინულ მედიაში გავრცელებულ ინფორმაციას, რომ შესაძლოა, ოდესის ექსგუბერნატორი მიხეილ სააკაშვილი საქართველოს ხელისუფლებას გადაეცეს, უარყოფს.
„ეს არ არის სიმართლე. უკრაინა თავის მოქალაქეებს არ გადასცემს“, - განაცხადა იური ლუცენკომ კიევში, პრესკონფერენციაზე.
ცნობისთვის, „უკრაინსკაია პრავდამ“ გაავრცელა ინფორმაცია, რომ უკრაინამ შესაძლოა ოდესის ოლქის ყოფილი გუბერნატორი მიხეილ სააკაშვილი საქართველოს გადასცეს. „უკრაინსკაია პრავდას“ წყაროს ინფორმაციით, სააკაშვილისთვის მოქალაქეობის ჩამორთმევა არ შეუძლიათ, ამიტომაც, როგორც ვარიანტი, განიხილება მისი საქართველოში ექსტრადირება, სადაც მის წინააღმდეგ სისხლის სამართლის საქმეა აღძრული.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
