ბათუმში, გრიგოლ რობაქიძის სახელობის უნივერსიტეტის ორგანიზებით, პირველი სამეცნიერო-პრაქტიკული კონფერენცია „სამედიცინო ტურიზმი: პოლიტიკური, სოციალურეკონომიკური, საგანმანათლებლო და სამედიცინო პრობლემები სამხრეთ კავკასიის ქვეყნებში“ გაიხსნა.

კონფერენციის მონაწილეებს სიტყვთ აჭარის ა/რ ჯანმრთელობისა და სოციალური დაცვის მინისტრმა ლევან გორგილაძემ მიმართა.

კონფერენციის მსვლელობის დროს მონაწილეებს და მომხსენებლებს საშუალება მიეცემათ გაეცნონ სამედიცინო ტურიზმის განვითარების პოლიტიკურ, საგანმანათლებლო და სამედიცინო თანამედროვე ასპექტებს, შეხვდენ ამ დარგში მომუშავე ცნობილ სპეციალისტებს.

„კონფერენციაზე მოხსენებებს ქართველ პროფესორებთან ერთად წაიკითხავენ ამერიკის შეერთებული შტატების, აზერბაიჯანის, ყაზახეთისა და სომხეთის წამყვანი უნივერსიტეტის წარმომადგენლები. კონფერენცია სამი დღის განმავლობაში გაგრძელდება და ვფიქრობთ, რომ მოსალოდნელი შედეგები სამომავლო პრიორიტეტების განსაზღვრის, ინტერკულტურული თანამშრომლობის გაძლიერებისა და ახალი კონტაქტების დამყარების სახით, რეგიონში სამედიცინო ტურიზმის განვითარების კუთხით შედეგიანი აღმოჩნდება“, - აღნიშნა კონფერენციის ერთ-ერთმა ორგანიზატორმა და გრიგოლ რობაქიძის სახელმწიფო უნივერსიტეტის პროფესორმა ოთარ გერზმავამ.

კონფერენცია აჭარის ავტონომიური რესპუბლიკის განათლების, კულტურისა და სპორტის სამინისტროს ფინანსური და აჭარის ჯანმრთელობისა და სოციალური დაცვის სამინისტროს ორგანიზაციული მხარდაჭერით ტარდება. კონფერენციაზე წარმოდგენილი იქნება 28 მოხსენება. კონფერენცია 20 ნოემბერს დასრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი თანახმაა არ დაარტყას რუსეთის ენერგეტიკას, თუ რუსეთი შეწყვეტს უკრაინის ენერგეტიკულ ობიექტებზე, საწყობებსა და პორტებზე თავდასხმას

შოტლანდიის, უელსისა და ჩრდილოეთ ირლანდიის ლიდერებმა ხელი მოაწერეს დეკლარაციას გაერთიანებული სამეფოს შემადგენლობიდან გასვლის უფლების შესახებ

ტრამპმა განაცხადა, რომ უკრაინა დათანხმდა რუსეთის ნავთობგადამამუშავებელ ქარხნებზე თავდასხმების შეჩერებას

პუტინის მეგობარი კრემლოვი ტრამპის შვილის ერიკის ქორწილში იმყოფებოდა და ხარჯებიც დაფარა