სააკაშვილი: უკრაინაში ხალხი ძალიან გაბრაზებულია, ჩემთვის ასეთ პირობებში, ხელისუფლებაში დარჩენა უპასუხისმგებლობა იქნებოდა

2016-11-15 22:10:05, 778 ნახვა

პოლიტიკა

ხალხი ძალიან გაბრაზებულია, ჩემთვის ასეთ პირობებში უკრაინის ხელისუფლებაში დარჩენა სრულიად უპასუხისმგებლობა იქნებოდა, - ამის შესახებ საქართველოს ყოფილმა პრეზიდენტმა მიხეილ სააკაშვილმა "რუსთავი 2"-თან ინტერვიუში განაცხადა.

მიხეილ სააკაშვილი საკუთარ თავს უკრაინელ პოლიტიკოსს უწოდებს და ამბობს, რომ საქართველოში ჩატარებულ არჩევნებთან მის გადაწყვეტილებას კავშირი არა აქვს. მისივე განცხადებით, თუ ის ხელისუფლებაში დარჩებოდა, ეს იქნებოდა "პირადი კომფორტის ძიებაში სირაქლემას პოზიციაში ყოფნა".

„უკრაინაში ხალხი უკვე მეორედ მოტყუვდა, რადგან ორჯერ მოხდა რევოლუცია და მას რევოლუციური ცვლილებები არ მოჰყოლია. აქ ძველი პოლიტიკური კლასი შენარჩუნდა, რამაც ქვეყანა მიიყვანა იქამდე, რომ უკრაინა არის ევროპაში ერთ-ერთი ყველაზე ღარიბი ქვეყანა. ხალხი ძალიან გაბრაზებულია. ჩემთვის ასეთ პირობებში უკრაინის ხელისუფლებაში დარჩენა სრულიად უპასუხისმგებლობა იქნებოდა. ეს იქნებოდა პირადი კომფორტის ძიებაში სირაქლემას პოზიციაში ყოფნა. ქართულ არჩევნებთან კი ჩემს გადაწყვეტილებას კავშირი არა აქვს. მე ვარ უკრაინელი პოლიტიკოსი და სხვა ასპექტები აქ არ არის,“ - აცხადებს სააკაშვილი.