2016-11-15 10:03:04, 672 ნახვა
პოლიტიკა
ევროპის საბჭოში გენერალური მდივნის კონსოლიდირებულ ანგარიშს „კონფლიქტი საქართველოში“ განიხილავენ
15-16 ნოემბერს საქართველოს საგარეო საქმეთა მინისტრის პირველი მოადგილე დავით ზალკალიანი ვიზიტით ევროპის საბჭოში იმყოფება.
საგარეო საქმეთა სამინისტროს ინფორმაციით, ვიზიტის ფარგლებში, დავით ზალკალიანი დაესწრება ევროპის საბჭოს მინისტრთა მოადგილეების კომიტეტის 1271-ე სხდომას, რომელზეც, სხვა საკითხებთან ერთად, განხილული იქნება გენერალური მდივნის მე-14 კონსოლიდირებული ანგარიში - „კონფლიქტი საქართველოში".
უწყების ცნობით, დაგეგმილია დავით ზალკალიანის შეხვედრები გენერალურ მდივანთან ტორბიორნ იაგლანდთან, ევროპის საბჭოს წევრი და დამკვირვებელი ქვეყნების დელეგაციებთან და ორგანიზაციის მაღალი თანამდებობის პირებთან.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
