|
2016-11-10 17:14:12, 1486 ნახვა
ეკონომიკა
კვირიკაშვილი: საქართველოსა და ინდოეთს შორის თანამშრომლობა ღრმავდება
საქართველოსა და ინდოეთის რესპუბლიკას შორის თანამშრომლობა ღრმავდება, - ამის შესახებ საქართველოს პრემიერ–მინისტრ გიორგი კვირიკაშვილისა და ინდოეთის რესპუბლიკის სამოქალაქო ავიაციის მინისტრ აშოკ გაჯაპათი რაჯუს შეხვედრაზე აღინიშნა. საქართველოს მთავრობის მეთაურმა ინდოეთის სამთავრობო დელეგაციის პირველი მაღალი დონის ვიზიტი ორ ქვეყანას შორის ურთიერთობების გააქტიურების გამოხატულებად შეაფასა. მხარეებმა განიხილეს თანამშრომლობის ფართო სპექტრი და ხაზი გაუსვეს საქართველოს ეკონომიკისა და მდგრადი განვითარების სამინისტროსა და ინდოეთის რესპუბლიკის სამოქალაქო ავიაციის სამინისტროს შორის სამოქალაქო ავიაციის სფეროში თანამშრომლობის გაღრმავების შესახებ გაფორმებული მემორანდუმის მნიშვნელობას. საუბარი შეეეხო ორ ქვეყანას შორის ტურიზმის, ტრანსპორტის, კულტურისა და განათლების სფეროებში არსებულ დიდ პოტენციალს და აღინიშნა, რომ საქართველოსა და ინდოეთს შორის პირდაპირი ავიაფრენების დაწყება ხელს შეუწყობს ამ ურთიერთობების კიდევ უფრო განვითარებას. შეხვედრაზე განსაკუთრებული ყურადღება გამახვილდა სავაჭრო-ეკონომიკური თანამშრომლობის პერსპექტივებსა და საინვესტიციო ურთიერთობებზე ისეთ სფეროებში, როგორიცაა: ენერგეტიკა, სოფლის მეურნეობა, საინფორმაციო ტექნოლოგიები. ხაზი გაესვა საქართველო-ინდოეთის სავაჭრო, ეკონომიკური, სამეცნიერო და ტექნოლოგიური, კულტურული და საგანმანათლებლო თანამშრომლობის სამთავრობათაშორისო კომისიის როლს პარტნიორობის შემდგომი განვითარებისთვის. გიორგი კვირიკაშვილმა ინდოეთის სამოქალაქო ავიაციის მინისტრს საქართველოს მთავრობის რეფორმების 4–პუნქტიანი გეგმა გააცნო და ქვეყნის საინვესტიციო შესაძლებლობებზე ინფორმაცია მიაწოდა. მხარეებმა პოზიტიურად შეაფასეს საქართველოში მსხვილი ინდური კორპორაციების საქმიანობა, მათ შორის, „ტატა ჯგუფის“ მიერ განხორციელებული ინვესტიციები. საუბარი ასევე შეეხო სახელმწიფო პროგრამის – „აწარმოე საქართველოში“ კინოინდუსტრიის განვითარების კომპონენტს–„გადაიღე საქართველოში“, რომლითაც ინდოელი პროდიუსერები არიან დაინტერესებულნი. მთავრობის ადმინისტრაციაში გამართულ შეხვედრას საქართველოს პირველი ვიცე–პრემიერი, ეკონომიკისა და მდგრადი განვითარების მინისტრი დიმიტრი ქუმსიშვილი და საგარეო საქმეთა მინისტრი მიხეილ ჯანელიძე დაესწრნენ.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



