საქართველოს პრეზიდენტი გიორგი მარგველაშვილი ინდოეთის სამოქალაქო ავიაციის მინისტრს შრი აშოკ გაჯაფთჰი რაჯუს შეხვდა და საქართველო -ინდოეთს შორის ორმხრივი ურთიერთობების გაღრმავებისა და ეკონომიკური თანამშრომლობის საკითხებზე ესაუბრა.

პრეზიდენტის ადმინისტრაციის პრესსამსახურის ინფორმაციით, გიორგი მარგველაშვილმა სტუმარს მადლობა გადაუხადა საქართველოში ვიზიტისთვის და აღნიშნა, რომ საქართველოს ხელისუფლებისათვის დიდი  პატივია ისეთი დიდი ისტორიის, ეკონომიკური შესაძლებლობებისა და დემოკრატიული განვითარების ქვეყანასთან ურთიერთობა, როგორიც ინდოეთია.

მათივე ინფორმაციით, მარგველაშვილი მიესალმება ეკონომიკური კავშირების გაღრმავების მიზნით საქართველოსა და ინდოეთს შორის გააქტიურებულ ორმხრივ მოლაპარაკებებს, რაც კიდევ უფრო გაააქტიურებს ბიზნეს და ტურისტულ აქტივობებს.

შეხვედრაზე ისაუბრეს იმ ტრანსკონტინენტალურ პროექტებზე, რომელშიც საქართველო ცენტრალურ როლს ასრულებს.

„ჩვენი მიზანია გავხსნათ კარი და შესაძლებლობები აზიისთვის ევროპისკენ. მჯერა, რომ ამ პროექტების მიმართ ინდოეთს მაღალი დაინტერესება ექნება და მომავალში თქვენ აქტიურად ჩაერთვებით სამუშაოებში, რომელიც გაზრდის ტრანსპორტირების და ვაჭრობის შესაძლებლობებს აზიიდან ევროპის მიმართულებით, საქართველოს გავლით", - აღნიშნა საქართველოს პრეზიდენტმა.

საქართველოს პრეზიდენტმა შეხვედრაზე ორმხრივი ინვესტიციების წახალისების მიზნით თანამშრომლობის გააქტიურების სურვილი გამოთქვა.

გიორგი მარგველაშვილის განცხადებით, საქართველო საინტერესო ქვეყანაა, რომელიც ბიზნესის კეთების სიმარტივის მიმართულებით მოწინავე ქყვენების გვერდით დგას.

„მჯერა, რომ ეს საინტერესო ბაზარი იქნება ინდური კომპანიებისა და ინვესტორებისთვის" - აღნიშნა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით