14:15 - 17 Nov, 2026
ჩვენ შესახებ რეკლამა/ხელმოწერა
2016-10-01 20:21:45, 1890 ნახვა

ეკონომიკა
„ჯორჯიან მანგანეზის“ სპეციალური მმართველი ,,ჭიათურელთა კავშირის” წარმომადგენლებს შეხვდა (ვიდეო)

კომპანია „ჯორჯიან მანგანეზის“ სპეციალური მმართველი ნიკოლოზ ჩიქოვანი ჭიათურაში არასამთავრობო ორგანიზაცია ,,ჭიათურელთა კავშირის” წარმომადგენლებს შეხვდა.
შეხვედრაზე, რომელიც აღნიშნული ორგანიზაციის ოფისში გაიმართა, ჭიათურაში არსებულ ეკოლოგიურ პრობლემებსა და ამ კუთხით არსებული გამოწვევების გადაჭრის გზებზე იმსჯელეს.
როგორც ნიკოლოზ ჩიქოვანმა აღნიშნა, ის კომპანიაში სწორედ ჭიათურაში არსებული მძიმე ეკოლოგიური მდგომარეობის გაუმჯობესების მიზნით დაინიშნა. ნიკოლოზ ჩიქოვანმა უშუალოდ არასამთავრობო ორგანიზაციისა და ჭიათურელი ახალგაზრდებისგან მოისმინა პრიორიტეტული საკითხები და მათი ხედვები.
ამასთან, „ჯორჯიან მანგანეზის“ სპეციალურმა მმართველმა შეხვედრაზე განაცხადა, რომ კომპანიამ უკვე დაიწყო მუშაობა მადნის ახალი გამამდიდრებელი ქარხნის მშენებლობასა და ღურღუმელაზე ძველი შლამსაცავის რეაბილიტაციაზე.
მისივე თქმით, აღნიშნული პროექტის პრეზენტაციის გამართვას კომპანია უახლოეს დღეებში გეგმავს. თავის მხრივ, ორგანიზაცია ,,ჭიათურელთა კავშირის“ თავმჯდომარემ, შოთა გაფრინდაშვილმა შეხვედრას ნაყოფიერი უწოდა და აღნიშნა, რომ „ჯორჯიან მანგანეზის“ სპეციალურმა მმართველმა მათ ორგანიზაციასთან აქტიური თანამშრომლობის მზაობა და ეკოლოგიური პრობლემების გადაჭრის მიზნით, ერთობლივი მუშაობის მზადყოფნა გამოთქვა.









ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
რედაქტორის რჩევით

ომი უკრაინაში

ვიდეო/LIVE

პატრიარქის ილია მეორის დაკრძალვა - პირდაპირი








არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics