12 ნოემბრიდან ავსტრიის საზოგადოებრივი მაუწყებლის (ORF) რადიო არხი - Österreich 1-ის ეთერში საქართველოს შესახებ გადაცემათა ციკლი გავა.

ამის შესახებ „ექსპრესნიუსს“ საგარეო საქმეთა სამინისტროდან აცნობეს.

მათივე ინფორმაციით,  ავსტრიაში საქართველოს საელჩოს აქტიური მხარდაჭერით, რადიო არხის შემოქმედებითი ჯგუფი მიმდინარე წლის 16-20 ოქტომბერს საქართველოში იმყოფებოდა გადაცემების მოსამზადებლად.

საქართველოში ვიზიტის საფუძველზე მომზადებული რადიო გადაცემათა ციკლი სახელწოდებით: „საქართველო - მეზობლად" (Nebenan: Georgien)  12-დან 19 ნოემბრამდე  რადიოს პირდაპირ ეთერში გავა.

ერთკვირიანი რადიო-პროექტი 55 გადაცემას მოიცავს. ყოველი დღის საეთერო ბადეში საქართველოს ხუთიდან თერთმეტამდე გადაცემა მიეძღვნება, რომლებიც თემატურად შემდეგ რუბრიკებშია გადანაწილებული:  საზოგადოება, მუსიკა, რელიგია, კულტურა და მეცნიერება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს