სუბარი: რა ცვლილებაც არ უნდა მოხდეს აშშ საქართველოს სტრატეგიულ პარტნიორად დარჩება

2016-11-09 12:30:05, 631 ნახვა

პოლიტიკა

„რა ცვლილებაც არ უნდა მოხდეს ამერიკის შეერთებული შტატები საქართველოს სტრატეგიულ პარტნიორად დარჩება“,-ამის შესახებ საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების მინისტრმა სოზარ სუბარმა აშშ-ის საპრეზიდენტო არჩევნებთან დაკავშირებით განაცხადა.

მინისტრის თქმით, ამერიკა მთელ მსოფლიოში დემოკრატიისა და უსაფრთხოების გარანტია.

„მეორე მსოფლიო ომის შემდეგ ამერიკა არის გლობალური გარანტი უსაფრთხოების და დემოკრატიის მთელ მსოფლიოში და ასე დარჩება ის ყოველთვის. რა ცვლილებაც არ უნდა მოხდეს შეერთებული შტაბები დარჩება საქართველოს სტრატეგიული პარტნიორად და დარჩება გარანტად როგორც მსოფლიოში ისე დედამიწის იმ კუთხეში სადაც საქართველო მდებარეობს, გარანტი დემოკრატიის და გარანტი უსაფრთხოების“,-განაცხადა სოზარ სუბარმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან