სამგორის რაიონში, მოსკოვის გამზირზე მდებარე 128-ე საბავშვო ბაღის ეზოში 160 ძირი კვიპაროსი დაირგო. 

თბილისის მერიის ინფორმაციით, გამწვანების აქციაში თბილისის მერი დავით ნარმანია ბაღის აღსაზრდელებთან ერთად მონაწილეობდა. 

მათივე ცნობით, მათთან ერთად ხეები მერიის ეკოლოგიისა და გამწვანების სამსახურის უფროსმა ნინო სულხანიშვილმა და თბილისის ბაგა-ბაღების მართვის სააგენტოს ხელმძღვანელმა თემურ თორდინავამაც დარგეს.

გამწვანების სეზონური ღონისძიებების ფარგლებში,  დარგული ხე-მცენარეების მოვლა-პატრონობას კონტრაქტორი კომპანია „მწვანე სახლი“ 4 წლის განმავლობაში უზრუნველყოფს. 

„ახალი საბავშვო ბაღის ტერიტორიაზე, პატარებთან ერთად,  160 ხე დავრგეთ. მნიშვნელოვანია, რომ ისინი უყურებენ და სწავლობენ, როგორ მიმდინარეობს გამწვანების პროცესი და როგორ უნდა მოუარონ ქალაქს. გარდა ამისა,  გამწვანების ღონისძიებებით  ხელს ვუწყობთ თბილისში უკეთესი ეკოლოგიური მდგომარეობის შექმნას“,- განაცხადა დავით ნარმანიამ. 

ცნობისთვის, შემოდგომაზე თბილისის შემოგარენსა და ცენტრალურ უბნებში 80 000 ხე - მცენარე დაირგვება.  აქედან,  50 000  ნერგი  მახათას  მთაზე და  თბილისის  ზღვის გარშემო,  30 000-მდე კი  სკვერებში, გამზირებზე და საცხოვრებელი კორპუსების  მიმდებარედ.  დასარგავი  ხე - მცენარეების  სიმაღლე 1,5- 5 მეტრამდეა.

   სეზონური გამწვანების  ღონისძიებები  დეკემბრის  შუა რიცხვებამდე  გაგრძელდება.  

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით