იტალიისა და საქართველოს საგარეო საქმეთა მინისტრებმა ქვეყნებს შორის სამომავლო თანამშრომლობაზე ისაუბრეს

2016-11-07 12:33:42, 685 ნახვა

პოლიტიკა

საქართველოში ოფიციალური ვიზიტით იტალიის საგარეო საქმეთა მინისტრი იმყოფება. პაოლო ჯენტილონი ცოტა ხნის წინ, ქართველ კოლეგას შეხვდა.

შეხვედრის შემდეგ მხარეებმა მედიისთვის ერთობლივი განცხადებები გააკეთეს.

მიხეილ ჯანელიძის თქმით, შეხვედრაზე საუბარი შეეხო ორმხრივ თანამშრომლობას, ევროატლანტიკური ინტეგრაციის კუთხით და ნატოში წევრობისკენ მიმავალ გზაზე იმ დახმარების მნიშვნელობას, რომელსაც საქართველოს იტალია უწევს.

„ამასთან, ვისაუბრეთ საქართველოსა და რუსეთს შორის კონფლიქტზე, მდგომარეობაზე ოკუპირებულ ტერიტორიებზე და ვისაუბრეთ იმ გამოწვევებზე, რომელიც საქართველოს ამ მიმართულებით აქვს, ასევე ხაზი გავუსვით საერთაშორისო საზოგადოების მხარდაჭერას“, -განაცხადა მიხეილ ჯანელიძემ.

2008 წლის შემდეგ, იტალიის საგარეო საქმეთა მინისტრი საქართველოს პირველად ეწვია.

იტალიის საგარეო საქმეთა მინისტრი თბილისში ვიზიტის შემდეგ ბაქოსა და ერევანს ეწვევა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან