18 ნოემბერს სრულიად საქართველოს კათოლიკოს-პატრიარქი, ილია მეორე რუსეთში გაემგზავრება.

ილია მეორე მოსკოვში, რუსეთის პატრიარქის მიწვევით ჩავა. უწმინდესი პატრიარქ კირილის 70 წლის იუბილესადმი მიძღვნილ ღონისძიებებში მიიღებს მონაწილეობას.

ამასთან, ილია მეორე მოსკოვში რუსეთის პატრიარქთან და სხვა მართლმადიდებელ პატრიარქებთან ერთად 20 ნოემბერს ერთობლივ წირვას აღავლენს.

ქათოლიკოს პატრიარი რუსეთში 24 ნოემბრამდე დარჩება. 23 ნოემბერს ილია მეორე ქართულ ტაძარს მოინახულებს და სამღვდელოებას შეხვდება.

როგორც საპატრიარქოში აცხადებენ, ილია მეორის შეხვედრა რუსეთის ხელისუფლების წარმომადგენლებთან ან ქვეყნის პრეზიდენტთან დაგეგმილი არ არის, თუმცა ღონისძიებების ფარგლებში პატრიარქი შესაძლოა მთავრობის ნებისმიერ წარმომადგენელს შეხვდეს.

ცნობისთვის, მოსკოვისა და სრულიად რუსეთის პატრიარქი კირილი (ვლადიმირ მიხაელის ძე გუნდაიევი) 1946 წლის 20 ნოემბერს ლენინგრადში დაიბადა.

2009 წლის 27 იანვარს 677-დან 508 ხმით წმინდა სინოდმა იგი მოსკოვისა და სრულიად რუსეთის პატრიარქად აირჩია. 2009 წლის 1 თებერვალს კი ინტრონიზაცია შედგა.

პატრიარქის ვიზიტის შესახებ ინფორმაციას რუსული მედია ავრცელებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით