აშშ-ის ვიცე-პრეზიდენტი ჯო ბაიდენი რუსეთსა და ოკუპირებულ აფხაზეთს შორის სამხედრო დაჯგუფების შექმნის გადაწყვეტილების რატიფიცირებას გმობს, - ამის შესახებ ბაიდენმა საქართველოს პრემიერ-მინისტრ გიორგი კვირიკაშვილთან გუშინ შემდგარ სატელეფონო საუბრისას განაცხადა. ინფორმაციას თეთრი სახლის ვებგვერდი ავრცელებს. 

ვიცე-პრეზიდენტმა ხაზი გაუსვა რეგიონში საქართველოს დემოკრატიულ წინსვლას. მან ასევე, საქართველოს სუვერენიტეტისა და ტერიტორიული მთლიანობისათვის საერთაშორისოდ აღიარებულ საზღვრებში აშშ-ის მხარდაჭერა დაადასტურა  . 

როგორც თეთრი სახლის მიერ გავრცელებულ ინფორმაციაშია ნათქვამი, ბაიდენმა გიორგი კვირიკაშვილს საპარლამენტო არჩევნებში გამარჯვება მიულოცა. 

საუბრისას ლიდერები შეთანხმდენენ, რომ „ქართული ოცნების“ უმრავლესობით გამარჯვება არის საზოგადოების მხრიდან გამოვლენილი უდიდესი ნდობა, რომელიც დიდ პასუხისმგებლობას აკისრებს მთავრობას და ასევე, არის მნიშვნელოვანი შესაძლებლობა ხელისუფლებისთვის, საკუთარი რეფორმატორული პოლიტიკა გაატაროს.

ვიცე-პრეზიდენტმა მოუწოდა გიორგი კვირიკაშვილს, არჩევნებში მოპოვებული შედეგებით გააგრძელოს საქართველოს დემოკრატიული და ეკონომიკური რეფორმირების პროცესი ევროატლანტიკურ სტრუქტურებში შემდგომი ინტეგრაციისათვის. 

ცნობისთვის, რუსეთისა და ოკუპირებული აფხაზეთის ჯართა გაერთიანებული დაჯგუფება შეიქმნება. რუსეთის სახელმწიფო დუმამ აღნიშნულ საკითხთან დაკავშირებით, შეთანხმების რატიფიცირება მოახდინა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შსს-ს ახალი სამმართველოს საჩივრის საფუძველზე, ნიკა გვარამიას შეურაცხყოფის ფაქტზე, მოქალაქეს 2000-ლარიანი ჯარიმა დაეკისრა

პაპუაშვილი: ახია საფრანგეთზე! როდესაც სხვა ქვეყნების შიდა საქმეებში ერევი, მზად უნდა იყო იმისთვის, რომ შენც ასევე მოგეპყრობიან

მსოფლიო რაგბის მომავალი საქართველოში იკრიბება - 27 ივნისიდან ახალგაზრდული მსოფლიო ჩემპიონატი იწყება

ემანუელ მაკრონმა ვოლოდიმირ ზელენსკის მასსა და დონალდ ტრამპს შორის შეხვედრის ორგანიზება შესთავაზა