2016-11-04 15:14:58, 628 ნახვა
პოლიტიკა
ამერიკელი კონგრესმენები საქართველოს ახლადარჩეულ მთავრობასთან მუშაობის მზადყოფნას გამოთქვამენ
ამერიკელი რესპუბლიკელი კონგრესმენები ტედ პო და ჯერალდ კონოლი, რომლებიც აშშ-ს კონგრესში საქართველოს მეგობართა ჯგუფის თანათავმჯდომარეები არიან, საქართველოს 8 ოქტომბრის საპარლამენტო არჩევნების დემოკრატიულად ჩატარებას ულოცავენ.
კონგრესმენების თქმით, „ოცდახუთი წლის წინ საქართველომ საბჭოთა კავშირის ტირანიას და კომუნისტურ წნეხს დააღწია თავი და მას შემდეგ, საქართველო ამერიკის შეერთებული შტატების მეგობარი და მოკავშირეა.“
„მოუთმენლად ველით საქართველოს ახლადარჩეულ მთავრობასთან მუშაობის დაწყებას, რაც საქართველოს შემდგომ კეთილდღეობასა და სტაბილურობას მოუტანს“, - ნათქვამია ამერიკელი კონგრესმენების ერთობლივ განცხადებაში.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
