პროფკავშირების თავმჯდომარე ირაკლი პეტრიაშვილი სოფელ ზვარეში მყოფ პროფკავშირის წევრებს მოუწოდებს, მაქსიმალურად თავი შეიკავონ კონფლიქტისგან.

 „მე მესმის, რომ რთული მდგომარეობაა, რომ ამ კრიმინალ დამსაქმებლების მიერ ჩადენილი დანაშაული უნდა იყოს დასჯილი, უნდა იყოს ადეკვატური სასჯელი, ამის მოლოდინში ვართ და ბუნებრივია მუშაობა არ განიხილება მანამ, სანამ ეს კრიმინალები არ დაისჯებიან. მაგრამ ეს არ უნდა გადაიზარდოს რაღაც ფობიებში. საქართველოს არ სჭირდება კონფლიქტი, მით უმეტეს ჩინეთის სახელმწიფო კომპანიასთან“,- განაცხადა პეტრიაშვილმა.

შეგახსენებთ, ხარაგაულის რაიონის სოფელ ზვარეში რკინიგზის ლიანდაგის მშენებლობაზე დასაქმებული რამდენიმე ქართველი მუშა ჩინური კომპანიის „23 ბიუროს“ წარმომადგენლებმა სცემეს. პროფკავშირების ინფორმაციით, შემთხვევა 2 ნოემბერს, გვიან ღამით მოხდა.

შინაგან საქმეთა სამინისტრომ სხეულის განზრახ ნაკლებად მძიმე დაზიანების ბრალდებით, გუშინ, ჩინეთის სამი მოქალაქე დააკავა.

მომხდარზე გამოძიება შინაგან საქმეთა სამინისტრომ სსკ-ის 125-ე მუხლით დაიწყო, რაც ცემას გულისხმობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ფაშინიანს არჩევნებში გამარჯვებას ულოცავს

როგორ შეცვალა ციფრულმა განვადებამ E-commerce გაყიდვები საქართველოში

ივანიშვილის ყოფილი პირადი მცველი შს მინისტრის მოადგილედ დაინიშნა

ნანუკა ჟორჟოლიანი ენმ-სთან კონსულტაციებს ადასტურებს