|
2016-11-03 18:58:24, 1649 ნახვა
ეკონომიკა
დიმიტრი ქუმსიშვილი იაპონიის საგარეო ვაჭრობის ორგანიზაციის წარმომადგენლებს შეხვდა
საქართველოს ეროვნული საინვესტიციო სააგენტოს მოწვევით, საქართველოში იაპონიის საგარეო ვაჭრობის ორგანიზაციის (JETRO) დელეგაცია იმყოფება, რომლის წარმომადგენლებიც საქართველოს მთავრობის წევრებთან და კერძო სექტორთან საქმიან შეხვედრებს მართავენ. დღეს JETRO-ს წარმომადგენლებს საქართველოს პირველი ვიცე-პრემიერი, ეკონომიკისა და მდგრადი განვიარების მინისტრი შეხვდა და მათ საქართველოს საინვესტიციო გარემოსა და ეკონომიკური რეფორმების შესახებ დეტალური ინფორმაცია გააცნო. დიმიტრი ქუმსიშვილთან ერთად შეხვედრას იაპონიის საგანგებო და სრულუფლებიანი ელჩი საქართველოში ტოშიო კაიტანი, ეკონომიკისა და მდგრადი განვითარების მინისტრის მოადგილე ქეთვეან ბოჭორიშვილი, სამინისტროს მეწარმეობის განვითარების სააგენტოს ხელმძღვანელი ანი კვარაცხელია და საქართველოს ეროვნული საინვესტიციო სააგენტოს წარმომადგენლები ესწრებოდნენ. როგორც შეხვედრის დასრულების შემდეგ ქეთევან ბოჭორიშვილმა აღნიშნა, იაპონელი ბიზნესმენების მთავარი ინტერესი საქართველოში ბიზნესის სხვადასხვა სფეროში დაწყება და განვითარებაა. „მათი ინტერესების სფეროა ვაჭრობა და ინვესტირება ინდუსტრიაში, მანქანათმშენებლობაში, კვებით მრეწველობაში. კარგია, რომ საქართველო მათი ინტერესის საგანს წარმოადგენს. დელეგაცია თბილისში ორი დღის განმავლობაში დარჩება და გამართავს შეხვედრებს ხელისუფლებისა და კერძო ბიზნესის წარმომადგენლებთან“ - განაცხადა ქეთევან ბოჭორიშვილმა. „საქართველოში მეორედ ვიმყოფები. დღეს ქართული ბიზნესის წარმომადგენლებსა და სამთავრობო დელეგაციას შევხვდით. საქართველო ძალიან მონდომებული და ეფექტური ქვეყანაა, ამიტომ ვფიქრობ, რომ მას აქვს ბევრი შესაძლებლობა, რისი გამოყენების საშუალებაც იაპონური კომპანიებს ბიზნესის განვითარებისთვის მიეცათ“ - აღნიშნა დელეგაციის წევრმა იასიო კიმორა ჰაშიმ. JETRO - იაპონიის საგარეო ვაჭრობის ორგანიზაცია, მთავრობასთან დაახლოებული უწყებაა, რომელიც აქტიურად მუშაობს იაპონიისს ავაჭრო ურთიერობების გაღრმავებაზე დანარჩენ მსოფლიოსთან. ორგანიზაციის ძირითადი მისია ქვეყანაში პირდაპირი უცხოური ინვესტიციების მოზიდვა და მცირე და საშუალო ბიზნესის საექსპორტო პოტენციალის გლობალურ ბაზრებზე ხელშეწყობაა. JETRO-ს დელეგაციაში წარმოდგენილია ისეთი კომპანიები, როგორიცაა კომპანიები: Itochu Oil Exploration, Yoshioka Kiko Co., Ltd, Mayekawa Middle East FZCO, Sumitomo Corporation, Hitachi Zosen Europe Limited, Hazama Ando Corporation, Fujikura Automotive Europe, United Genetics Turkey Tohum Fide A.S., Yoshioka Kiko Co., Ltd.
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



