2016-11-03 19:00:43, 760 ნახვა
პოლიტიკა
ლიბიის სანაპიროსთან ორი გემის ჩაძირვას 240 მიგრანტი ემსხვერპლა
ლიბიის სანაპიროსთან ორი გემის ჩაძირვას სულ მცირე 240 მიგრანტი ემსხვერპლა, - ამის შესახებ ინფორმაციას France Press-ი ლტოლვილთა სააგენტოზე დაყრდნობით იუწყება.
მედია საშუალების ინფორმაციით, ერთ-ერთი ხომალდი, რომლის ბორტზე 140 ადამიანი იმყოფებოდა, ლიბიის ნაპირიდან გასვლის შემდეგ, რამდენიმე საათში ამოტრიალდა. ბორტზე მყოფი პირებიდან 29 ადამიანი გადარჩა. მეორე ჩაძირული ხომალდიდან მხოლოდ 2 ქალი გადარჩა.
მათი თქმით, გემზე 100-ზე მეტი ადამიანი იმყოფებოდა. ცნობისთვის, მიგრანტები აფრიკიდან ევროპის სანაპირომდე ცდილობდნენ მიღწევას. შეგახსენებთ, რომ გაერო-ს მონაცემებით, 2016 წელს ხმელთაშუა ზღვაში 4 220 ადამიანი დაიღუპა. 2015 წელს კი ეს რიცხვი 3 777-ს შეადგენდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
