|
2016-11-03 16:29:16, 1585 ნახვა
ეკონომიკა
ქეთევან ბოჭორიშვილმა საერთაშორისო ბიზნეს კონფერენცია გახსნა
ევროპის რეკონსტრუქციისა და განვითარების ბანკის (ევრობანკი) და ევროპის კავშირის ინიციატივის „ევროკავშირი ბიზნესისთვის“ ორგანიზებით თბილისში საერთაშორისო კონფერენცია კონკურენტული კონსალტინგის თემაზე გაიხსნა. ეკონომიკისა და მდგრადი განვითარების სამინისტროს ინფორმაციით, კონფერენცია საქართველოს ეკონომიკისა და მდგრადი განვითარების მინისტრის მოადგილემ ქეთევან ბოჭორიშვილმა გახსნა. უწყების ინფორმაციით, ბოჭორიაშვილმა თავის მოხსენებაში ვრცლად ისაუბრა საქართველოში მიმდინარე და განხორციელებულ რეფორმებზე, აგრეთვე ბიზნესის მხარდაჭერის პროგრამებზე, რომელთაც საქართველოს მთავრობა ახორციელებს. ქეთევან ბოჭორიშვილმა ასევე დადებითად შეაფასა ის პროექტები, რომლებიც ევრობანკის დაფინანსებით საქართველოში მცირე და საშუალო ბიზნესის მხარდაჭერის მიზნით ხორციელდება. კონფერენციის მონაწილეებს ასევე მიესალმნენ ევრობანკის „კონსულტაციები მცირე ბიზნესისთვის“ გუნდის დირექტორი შარლოტა რუ და ევროკავშირის დელეგაციის თანამშრომლობის დეპარტამენტის უფროსი ვინსენტ რეი. ფორუმის მუშაობაში მონაწილეობს 200-ზე მეტ პროფესიონალ კონსულტანტი მსოფლიოს 35-ზე მეტი ქვეყნიდან. მათ შორის, აშშ-დან და დასავლეთ ევროპიდან. წლევანდელი კონფერენციის თემაა სწრაფი ტემპი, ინოვაცია და ინტერნაციონალიზაცია. კონფერენციაზე განიხილება საკითხები, რომლებიც განსაზღვრავს ამ სფეროში წინსვლას ტენდენციების, მზარდი კონკურენციის, ახალი მოდელებისა და საერთაშორისო საზღვრების გადაკვეთის ფონზე. (NS)
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



