სესიაშვილისთვის უცნობია, დარჩება თუ არა თავდაცვისა და უშიშროების კომიტეტის თავმჯდომარის პოსტზე

2016-11-03 13:45:23, 633 ნახვა

პოლიტიკა

დეპუტატ ირაკლი სესიაშვილის განცხადებით, პარლამენტში ისევ დაიკავებს თუ არა თავდაცვისა და უშიშროების კომიტეტის თავმჯდომარის პოსტს, მისთვის უცნობია.

როგორც სესიაშვილმა აღნიშნა, თანამდებობის საკითხები პოლიტსაბჭოს სხდომაზე გადაწყდება.

„ჩემთვის თავდაცვისა და უშიშროების საკითხები პროფესიის ნაწილია. თავმჯდომარე ვიქნები თუ რიგითი წევრი, ნებისმიერ შემთხვევაში ამ მიმართულებით გავაგრძელებ მუშაობას, მითუმეტეს, რომ ძალიან საინტერესო გეგმები მაქვს“, - განაცხადა სესიაშვილმა.

სესიაშვილის თქმით, მისთვის გაუგებარია, საპარლამენტო უმრავლესობის ძველ და ახალ სახეებად დაყოფა.

„მე ასეთი ფორმულირება, ძველი და ახალი სახეები არ მესმის. მე მესმის ფორმულირება კვალიფიციური პროფესიონალი და საქმის მცოდნე. ამიტომ არ მგონია, რომ ძველით და ახალით იზომებოდეს რამე. ძველს შეიძლება მეტი გამოცდილება აქვს. ახალს კი მეტი ცოდნა. ჩემი აზრით ამის სინთეზი საუკეთესო ვარიანტი იქნება“, - განაცხადა სესიაშვილმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან