|
2016-11-02 14:18:29, 1638 ნახვა
ეკონომიკა
ბოლნისში რეგიონული ინოვაციების დღე ჩატარდა
საქართველოს ინოვაციებისა და ტექნოლოგიების სააგენტოსა და USAID-ის ორგანიზებით პროექტ ZRDA-ს ფარგლებში ბოლნისის გამგეობის შენობაში (სულხან-საბა ორბელიანის N106) რეგიონული ინოვაციების დღე გაიმართა. პროექტის ფარგლებში, საქართველოს ინოვაციებისა და ტექნოლოგიების სააგენტო ადგილობრივ მოსახლეობას, ახალგაზრდებს, მეცნიერებსა და მეწარმეებს სახელმწიფოს ხედვა ინოვაციების განვითარების კუთხით გააცნო, წარადგინა საკუთარი პროგრამები, პროექტები და სერვისები. შეხვედრაზე დამსწრეები გაეცნენ ტექნოპარკის მოხალისეობის პროგრამას, სტარტაპების განვითარების ეტაპებს, ასევე შეხვდნენსახელმწიფო პროგრამა ,,სტარტაპ საქართველოს" გამარჯვებულ გუნდებს და გაიზიარეს მათი გამოცდილება. სააგენტოს ერთ-ერთი მნიშვნელოვანი მიმართულებაა საინფორმაციო საზოგადოების ფორმირებისთვის აუცილებელი პროექტებისა და პროგრამების სახელმწიფო ერთიანი პოლიტიკის განხორციელების წარმართვა და კოორდინირება. ინოვაციების განვითარება რეგიონებში ქვეყნის კეთილდღეობასა და ეკონომიკურ მაჩვენებელზე მკვეთრად აისახება. სახელმწიფო აძლევს ახალგაზრდებს შანსს და შესაძლებლობებს გახდნენ ინოვატორები, მეწარმეები, დაიწყონ სტარტაპ ბიზნესების შენება და საკუთარი წვლილი შეიტანონ ქვეყნის სწრაფ განვითარებაში. რეგიონებში საინფორმაციო ინოვაციური დღეების მიზანია, ცნობადობის ამაღლება, სტარტაპებისა და საერთო სამეწარმეო ბიზნეს გარემოს შექმნა და ახალგაზრდა დამწყები ბიზნესმენების წახალისება ქვეყნის სწრაფი განვითარებისთვის. ,, ჩვენი ამოცანა არის მაქსიმალურად შევუწყოთ ხელი ინოვაციებისა და ტექნოლოგიების განვითარებას არა მხოლოდ თბილისში, არამედ რეგიონშიც. ზუგდიდის ტექნოლოგიური პარკი არის მეორე ტექნოპარკი საქართველოში. ეს ადგილი უზრუნველყობს ინოვაციებისა და ტექნოლოგიების მიმართულებით ახალგაზრდების დაინტერესებასა და სტარტაპების გაჩენას რეგიონებში. სააგენტო მუშაობს ინოვაციური ეკოსისტემის ფორმირებაზე მთლიანად ქვეყანაში და ამ პროცესში ჩვენ ყველა რეგიონს ჩავრთავთ. მსგავსი აქტივობებით კი დავეხმარებით ადგილობრივებს განავითარონ აღნიშნული სფეროები და გაიზიარონ გამოცდილება, რათა შექმნან უკეთესი გარემო."- განაცხადა საქართველოს ინოვაციებისა და ტექნოლოგიების სააგენტოს თავმჯდომარემ ირაკლი ქაშიბაძემ. აღნიშნული პროგრამის ფარგლებში ჩატარებულ ტრენინგებზე მიიღებენ კონსულტაციებს პროფესიონალებისგან და ასევე ექნებათ წვდომა ყველა საჭირო რესურსთან. პროგრამის მეშვეობით, საბოლოო ჯამში, შეძლებენ თავიანთი ბიზნესის განვითარებასა და ფორმირებას. საქართველოს ინოვაციებისა და ტექნოლოგიების სააგენტო მომავალში USAID-ის პროექტ ZRDA-ს ფარგლებში შეხვედრებსა და ტრენინგებს საქართველოს სხვა რეგიონებშიც გამართავს. შემდეგი რეგიონული ინოვაციების დღე ხვალ გორის სახელმწიფო უნივერსიტეტში 11:00 საათზე გაიმართება. (NS)
მიიღე ფულადი გზავნილი და მოიგე 10 000 ლარი - საქართველოს ბანკის ახალი გათამაშება დაიწყო
ბათუმში სამი დღეა კრასნოიარსკიდან ჩამოსული რუსი ინჟინრის ძებნა მიმდინარეობს
დვალიშვილზე თავდასხმის საქმეზე დაკავებულებს პატიმრობა ჯარიმით შეუცვალეს
ილია თოფურია - ყველაზე საშინელი საცობები, რაც მსოფლიოში მინახავს თბილისშია, -რასაც აუცილებლად შევცვლიდი, მე პირადად, არის საცობები
|
რედაქტორის რჩევით
საკონსტიტუციო სასამართლოს მოსამართლეთა აღვირახსნილობა, რომელსაც ვეღარ მალავენ
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
ომი უკრაინაში
რესპუბლიკელების მთავარი მოწინააღმდეგე, კალიფორნიის გუბერნატორი უკრაინას ეწვია და დახმარება გამოაცხადა
უკრაინამ ყირიმის ხიდს შეუტია
ვიდეო/LIVE პატრიარქის ილია მეორის დაკრძალვა - პირდაპირი
„ტექნიკური ოპტიმიზაცია“ თუ გასაჩივრების უფლების გაუქმება - რას უშვება ივანიშვილის რეჟიმი საარჩევნო კოდექსს
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



