სოციალურად დაუცველი ოჯახების სათბობი შეშით უზრუნველყოფა გრძელდება.

თბილისის მერიის ინფორმაციით, მთაწმინდის რაიონის გამგებელმა გელა არჩვაძემ, გამგებლის მოადგილე მიხეილ გოგოლიძესთან ერთად, 9 სოციალურად დაუცველ ოჯახს, კოჯორსა და კიკეთში,  ზამთრისთვის საშეშე მერქანი გადასცა.

მათივე ცნობით, მთაწმინდის რაიონის გამგეობის,  თბილისის მერიის ეკოლოგიისა და გამწვანების სამსახურისა და საქართველოს თავდაცვის სამინისტროს თანამშრომლობის შედეგად, დაბა კოჯორში, გიორგი ანწუხელიძის სახელობის სერჟანტთა მომზადების ცენტრის ტერიტორიაზე არსებულ ტყეში, გამხმარი და ავარიული ხეები მოიჭრა, რომელიც საშეშედ  კოჯორსა და კიკეთში მცხოვრებ სოციალურად დაუცველ ოჯახებს გადაეცათ.

„განსაკუთრებულ მადლობას ვუხდი თავდაცვის სამინისტროსა და გიორგი ანწუხელიძის სახელობის სერჟანტთა მომზადების ცენტრს, რომელთა დახმარებით ხეების მოჭრა და ტყიდან გამოტანა განხორციელდა.

ზამთარი წელს ადრე დადგა, ამიტომ  მნიშვნელოვანია, მოქალაქეები სათბობი შეშით მაქსიმალურად სწრაფად უზრუნველვყოთ“-განაცხადა გელა არჩვაძემ.

გამგებლის თქმით, აღნიშნულ დახმარებას გამგეობისგან რაიონში მცხოვრები ყველა სოციალურადდაუცველი ოჯახი მიიღებს.

თავდაცვის სამინისტროსთან თანამშრომლობით  მოსახლეობის შეშით უზრუნველყოფის პროცესი მაქსიმალურად მოკლე დროში დასრულდება.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით