ბაქრაძე: ენმ-ში გადაჯგუფების და განახლების პროცესი დაწყებულია

2016-11-01 23:22:57, 785 ნახვა

პოლიტიკა

გადაჯგუფების და განახლების პროცესი პარტიაში დაწყებულია, - ამის შესახებ "ნაციონალური მოძრაობის" წევრმა დავით ბაქრაძემ გადაცემა "არჩევანში" განაცხადა.

როგორც მან აღნიშნა, პარტია ახალი ძალით იწყებს პოლიტიკურ ცხოვრებას და ყრილობის ჩასატარებლადაც ემზადება.

„იმათ, ვისაც იმედი აქვთ, რომ ახლა რაღაც მოხდება, მინდა იმედი გავუცრუო, არაფერიც არ მოხდება. ნაციონალური მოძრაობა ერთიანია, თუმცა ერთიანობა არ ნიშნავს, რომ ერთი აზრი აქვს ყველას. ასეთი ერთი პარტია - ქართული ოცნება, უკვე გვყავს. გადაჯგუფების და განახლების პროცესი პარტიაში დაწყებულია. ჩვენ ეს პროცესი დავიწყეთ ჯერ კიდევ მაშინ, როდესაც საარჩევნო სიას ვადგენდით, ჩვენ ამ პროცესს გავაგრძელებთ. უახლოეს დღეებში გვექნება პოლიტსაბჭოს სხდომა, შეიქმნება სპეციალური ჯგუფები, რომლებიც დეტალურად გაივლიან საარჩევნო პროცესს. გაიმართება პარტიის ყრილობა უახლოეს პერიოდში,“ - განაცხადა დავით ბაქრაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან