2016-11-01 21:16:57, 1037 ნახვა
პოლიტიკა
ნიკა გვარამია შსს-ს ცენტრალური კრიმინალური პოლიციის დეპარტამენტში დაკითხვაზე დაიბარეს
ტელეკომპანია ,,რუსთავი 2”-ის გენერალური დირექტორი, ნიკა გვარამია შინაგან საქმეთა სამინისტროს ცენტრალური კრიმინალური პოლიციის დეპარტამენტში 3 ნოემბერს დაკითხვაზე დაიბარეს.
როგორც "რუსთავი 2" იუწყება, სამინისტროს წარმომადგენლებმა უწყება გვარამიას დღეს საღამოს ჩააბარეს.
მათივე ინფორმაციით, ნიკა გვარამია კომპიუტერულ სისტემაში უნებართვოდ შეღწევის, პირადი საუბრების უკანონოდ მოპოვებისა და გავრცელების საქმეზეა დაბარებული.
ცნობისთვის, შინაგან საქმეთა სამინისტრომ ნიკა გვარამიას საჯარო განცხადების საფუძველზე გამოძიება მიმდინარე წლის 3 ოქტომბერს დაიწყო. საქმე ეხება ინტერნეტში ნიკა გვარამიასა და მამუკა ახვლედიანის საუბრის ჩანაწერის გავრცელებას.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
