მიმდინარე წლის 1-ელ ნოემბერს, სასტუმრო „რედისონ ბლუ ივერიაში", "ეკონომიკური თანამშრომლობისა და განვითარების ორგანიზაციისა" (OECD) და ფინანსთა სამინისტროს თანამშრომლობით, გაიმართა გაცნობითი ხასიათის სამუშაო შეხვედრა, ინფორმაციის ავტომატური გაცვლის ახალი გლობალური სტანდარტის შესახებ. ამის შესახებ "ექსპრესნიუსს" ფინანსთა სამინისტროდან აცნობეს.

უწყების ინფორმაციით, ღონისძიების მიზანს წარმოადგენდა ინფორმაციის გაცვლისა და გამჭვირვალობის გლობალური ფორუმის წევრ სახელმწიფოებში „ერთიანი ანგარიშგების სისტემის" (CRS) დანერგვის შესაძლებლობების განხილვა. შეხვედრას ესწრებოდნენ საქართველოს ეროვნული ბანკის, ბანკების ასოციაციის, ფინანსური ინსტიტუტებისა და საკონსულტაციო სექტორის წარმომადგენლები.

შეხვედრას ინფორმაციის გაცვლისა და გამჭვირვალობის გლობალური ფორუმის წარმომადგენლებთან ერთად, უძღვებოდნენ საქართველოს ფინანსთა მინისტრის პირველი მოადგილე, სსიპ შემოსავლების სამსახურის უფროსი გიორგი თაბუაშვილი და საქართველოს ფინანსთა მინისტრის მოადგილე ლაშა ხუციშვილი.

აღსანიშნავია, რომ ერთიანი ანგარიშგების სტანდარტი „ეკონომიკური თანამშრომლობისა და განვითარების ორგანიზაციის" მიერ დიდი ოცეულის მოთხოვნის საფუძველზე 2014 წლის სექტემბერში შემუშავდა და დღეისათვის მასში 100-მდე სახელმწიფოა ჩართული.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი მახაშვილი საფრანგეთში მიღებულ რეზოლუციაზე - უამრავი ტყუილი, ბრალდებაა და ამ აბსურდის საფუძველზე არის მოწოდებები

ნიკა გვარამია: არაფერი საწინააღმდეგო რევოლუციის არ მაქვს, უბრალოდ ვნახე, ამის რესურსები გვაქვს თუ არა

ჟორჟოლიანი - გამოიკვეთა 15 პირველადი მოხმარების პროდუქტი, რომელიც ქსელურ მარკეტებში ფასდაკლებით იქნება ხელმისაწვდომი

თბილისში ქუჩაში არჩევდნენ მოქალაქეებს და ინტერნეტბანკინგიდან ფულს ირიცხავდნენ ე.წ ქურდულ სამყაროსთან კავშირში მყოფი 44 პირი დააკავეს - ვიდეო