ამერიკული რესტორნების ქსელი „ვენდი“ „თოლიასთან“ თანამშრომლობას იწყებს და ამიერიდან  ვენდის რესტორნები მომხმარებლებს ვენდის რეცეფტით „თოლიას“ მიერ  დამზადებულ ნაყინს შესთავაზებენ. შეთანხმება „მეტი ქართული პროდუქტის“ ინიციატივის ფარგლებში  განხორციელდა და ადგილობრივი წარმოების ხელშეწყობას, მომხმარებლისთვის მაღალი ხარისხის, ყოველდღიურად ახალი, უგემრიელესი ნაყინისა და ნაყინის დესერტების შეთავაზებას ისახავს მიზნად.

„ამერიკული რესტორნების ქსელმა „ვენდიმ“ „მეტი ქართული პროდუქტის“ ინიციატივის ფარგლებში იმპორტი სრულად ჩაანაცვლა ქართული პროდუქტებით. ამ გზით ვენდი   საქართველოში ამკვიდრებს სრულიად უნიკალურ კულტურას-მხოლოდ ქართული, სრულიად უსაფრთხო, ყოველდღიურად ახალი, უმაღლესი ხარისხის კერძები რესტორნებში.

„ვენდის“ რესტორნებს სხვა მომხმარებლებთან ერთად, ჩვენი შვილები სტუმრობენ და ჩვენი მთავარი ამოცანა  იყო ქართული, ყოველდღიურად ახალი ინგრედიენტების  გამოყენებით დამზადებული, უსაფრთხო და  უმაღლესი ხარისხის  კერძების შეთავაზება ჩვენი სტუმრებისთვის. ამაზე დიდი მიზანი „ვენდის“ არ ჰქონდა და ვერც ვერასოდეს ექნებოდა“,-განაცხადა „ვისოლ ჯგუფის“ პრეზიდენტმა სოსო ფხაკაძემ.

მიღწეული თანამშრომლობის  შედეგად, „ვენდის“ ამერიკული რესტორნები გემრიელი დესერტების მოყვარულებს „თოლიას“ ნაყინით მომზადებულ 15-ზე მეტ  სხვადასხვა პროდუქტს-  კერძოდ კი ვანილის ნაყინს შოკოლადის, კარამელის, მარწყვისა და ემ ენდ ემსის და ორეოს დანამატებით,  მარწყვისა და ბანანის ფრაპეს, შოკოლადის, კარამელისა და მარწყვის შეიკებს და სხვა დესერტებს შესთავაზებს.

„ვენდის“ ამერიკული რესტორნების ქსელის განვითარება „ვისოლ ჯგუფმა“ 2013 წელს დაიწყო და დღეს „ვენდის“ რესტორნები თბილისში, რუსთაველის გამზირზე, ვაკეში, სამების ტაძრის გვერდით, საბურთალოზე, ცინცაძის ქუჩა #37-ში, 26 მაისის  მოედანსა და  აღმაშენებლის ხეივნის მე-13 კილომეტრზე, გლდანში, კახეთის გზატკეცილზე სავაჭრო  კომპლექს „ესთ ფოინტსა“ და გორში მდებარეობს.

„მეტი ქართული პროდუქტის“ ინიციატივის  ფარგლებში 2015 წლის დეკემბრიდან  ამერიკული რესტორნების  ქსელმა „ვენდიმ“ და „დანკინ დონატსმა“ იმპორტის უდიდესი  წილი ქართული პროდუქტებით უკვე ჩაანაცვლა და „სმარტთან“, „მარშესთან“, „პურის სამყაროსთან“, მილკოსა“ და „ბადაგთან“ თანამშრომლობით, ერთგულ მომხმარებელს ქართული პროდუქტებით დამზადებულ ყოველდღიურად ახალ, უსაფრთხო, მაღალი ხარისხის, უგემრიელეს კერძებს სთავაზობს.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით