ცეზარ ჩოჩელი არჩევნების მეორე ტურთან დაკავშირებით პრესკონფერენციას გამართავს

2016-10-31 13:55:51, 795 ნახვა

პოლიტიკა

მცხეთაში დამოუკიდებელი მაჟორიტარობის კანდიდატი, ბიზნესმენი ცეზარ ჩოჩელი არჩევნების მეორე ტურთან დაკავშირებით პრესკონფერენციას გამართავს.

პრესკონფერენცია ხვალ, 11:00 საათზე, სოფელ საგურამოში, ს.ს „ქართული ლუდის კომპანიის“ ადმინისტრაციულ შენობაში გაიმართება.

ცნობისთვის, ცენტრალურმა საარჩევნო კომისიამ 50 ოლქის მიხედვით, ყველა საარჩევნო უბანი დაითვალა და წინასწარი შედეგები გამოაქვეყნა.

შედეგების თანახმად, მცხეთის #37-ე მაჟორიტარულ ოლქში, „ქართული ოცნების “ კანდიდატი მცირედით ლიდერობს.

კერძოდ, დიმიტრი ხუნდაძემ ხმების 50.11% მოაგროვა, ხოლო დამოუკიდებელმა კანდიდატმა ცეზარ ჩოჩელმა-49.89% მიიღო.

წინასწარი შედეგები მედიას საარჩევნო ადმინისტრაციის თავმჯდომარე თამარ ჟვანიამ გააცნო. მისი შეფასებით, ცალკეული დარღვევების მიუხედავად, არჩევნებმა მშვიდ გარემოში ჩაიარა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან