კობახიძე: ვულოცავ ამომრჩეველს გამარჯვებას, რომელიც თავისუფლებასა და კეთილდღეობას მოიტანს

2016-10-31 10:44:24, 856 ნახვა

პოლიტიკა

„ქართული ოცნება-დემოკრატიული საქართველოს“ აღმასრულებელი მდივნის, ირაკლი კობახიძის განცხადებით, „ოცნებამ“ მოიპოვა დამაჯერებელი გამარჯვება ყველა საარჩევნო ოლქში, გარდა ერთი ოლქისა:

„ერთი გამონაკლისისა, ეს არის ხაშურის მაჟორიტარული საარჩევნო ოლქი, სადაც ჯერჯერობით ითვლება არჩევნების შედეგები და სადაც ჩვენ ვუპირისპირდებოდით მრეწველების კანდიდატს“,-აღნიშნა კობახიძემ.

მან ამომრჩეველს ნდობისთვის მადლობა გადაუხადა:

„გვინდა დიდი მადლობა განვუცხადოთ ამომრჩეველს გამოვლენილი მაღალი სამოქალაქო პასუხისმგებლობისთვის და გამოცხადებული ნდობისთვის. ვულოცავ თითოეულ ამომრჩეველს ქართული დემოკრატიის კიდევ ერთ გამარჯვებას. იმ გამარჯვებას, რომელიც აუცილებლად მოიტანს საქართველოში თავისუფლებას, სწრაფ განვითარებას და კეთილდღეობას“,-განაცხადა ირაკლი კობახიძემ.

ცენტრალურმა საარჩევნო კომისიამ ყველა უბნის მონაცემები დაითვალა. წინასწარი შედეგებით, თბილისსა და მუნიციპალიტეტებში არსებულ ოლქებში "ქართული ოცნება" ლიდერობს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან