ცესკო-ს ინფორმაციით, მთაწმინდის საარჩევნო ოლქში მარკირებული ამომრჩევლების მასობრივი მისვლა დაფიქსირდა

2016-10-30 16:23:22, 1842 ნახვა

პოლიტიკა

ცენტრალური საარჩევნო კომისიის ინფორმაციით, მთაწმინდის მაჟორიტარულ საარჩევნო ოლქში მარკირებული ამომრჩევლების მასობრივი მისვლა დაფიქსირდა.

„აღნიშნულმა პირებმა განაცხადეს, რომ მათ 8 ოქტომბრის არჩევნების შემდეგ, დარჩათ ხელზე მარკირება, რაც პრაქტიკულად გამორიცხულია“,-აღნიშნა ბრიფინგზე ცესკო-ს სპიეკრმა ანა მიქელაძემ.

მისივე განმარტებით, მსგავსი თითო ფაქტი დაფიქსირდა ისნისა და ფოთის მაჟორიტარული საარჩევნო ოლქების თითო უბანზე:

„ ამომრჩევლებს მას შემდეგ, რაც დაუდგინდათ მარკირება, საუბნო-საარჩევნო კომისიებმა კანონის შესაბამისად, ხმის მიცემის განხორციელების შესაძლებლობა არ მისცეს“,-განაცხადა ანა მიქელაძემ და დასძინა, რომ მთაწმინდაში დაფიქსირებულ ფაქტთან დაკავშირებით, „ ერთიანმა ნაციონალურმა მოძრაობამ“ საჩივარი დაწერა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან