სოფელ შაუმიანში, მარნეულის საარჩევნო ოლქის მერვე საარჩევნო უბანზე კომისიის ერთ-ერთმა წევრმა "ერთიანი ნაციონალური მოძრაობის" დამკვირვებელი სცემა, ამის შესახებ "ექსპრენიუსს" პარტიიდან აცნობეს.

მათი ინფორმაციით, ინციდენტი იმ დროს მოხდა, როდესაც ენმ-ის წარმომადგენელი საარჩევნო უბანზე კომისიის წევრების მუშაობას აკვირდებოდა და უწევდა მონიტორინგს აკეთებდნენ თუ არა ხელმოწერებს კომისიის წევრები საარჩევნო ბიულეტენებზე და უსვამდნენ თუ არა ბეჭდეს. სწორედ ამ დროს კომისიის წევრებმა დამკვირვებელს ტერიტორიის დატოვება მოსთხოვეს.

"უბანზე შევიდა ქართული ოცნების წარმომადგენელი, რომელმაც საუბნო საარჩევნო კომისიის თავმჯდომარეს, ჩვენი დამკვირვებლის გაძევება მოსთხოვა. თავმჯდომარემ ამ დირექტივის დაუყონობლივი აღსრულება დაიწყო, ნანა მინასიანმა მათ წინააღმდეგობა გაუწია, რადგან სახეზე იყო უკანონო გადაწყვეტილება. სწორედ ამ დროს მას კომისიის ერთ ერთმა წევრმა დაარტყა"- განუცხადა რუსთავი 2-ს, ერთიანი ნაციონალური მოძრაობის ერთ-ერთმა ლიდერმა ხათუნა გოგორიშვილმა.

როგორც "ექსპრენიუსს" შინაგან საქმეთა სამინისტროში განუცხადეს, მომხდართან დაკავშირებით მიმდინარეობს წინასაგამოძიებო მოქმედებები. 

"ამ წუთებში ადგილზე იმყოფებიან სამართალდამცველები და მიმდინარეობს ინციდენტის მონაწილეებისა და თვითმხილველების გამოკითხვა", - განუცხადეს შსს-ში "ექსპრენიუსს".

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით