„მსგავსი ფაქტი მხოლოდ უბნის გარეთაა დაფიქსირებული“ - ცესკო დავით კირკიტაძეს პასუხობს

2016-10-30 14:20:16, 806 ნახვა

პოლიტიკა

„ნაციონალური მოძრაობის“ წევრი დავით კირკიტაძე ვიდეოს ავრცელებს, სადაც მისი თქმით, №30-ე რუსთავის ოლქის №24-ე უბანში მოსყიდვის ფაქტია აღბეჭდილი.

კერძოდ, კირკიტაძის განმარტებით, „ქართული ოცნების“ კოორდინატორი თამაზ ნოზაძე, რომელიც უბანზე დამკვირვებელია, ამომრჩეველს ფულს აძლევს.

კირკიტაძეს ცენტრალურ საარჩევნო კომისიაში უპასუხეს:

„აღნიშნულ ფაქტთან დაკავშირებით ამ ეტაპზე კომენტარს ვერ გავაკეთებთ იქიდან გამომდინარე, რომ აღნიშნული ვითარება ჯერჯერობით შესწავლილი არ არის. თუმცა, რამდენადაც ვფლობთ ინფორმაციას, მსგავსი ფაქტი მხოლოდ უბნის გარეთაა დაფიქსირებული. რაც შეეხება დეტალებს, მას კომპეტენტური ორგანოები შეისწავლიან. კომისიის წევრზე არ არის საუბარი“,-აღნიშნა ცესკოს-ს სპიკერმა ანა მიქელაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან