საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს საგრანტო პროგრამის ფარგლებში, ხონის, თერჯოლის, წყალტუბოს, ვანის, სენაკის, აბაშის, ხობისა და მარტვილის მუნიციპალიტეტებში მცხოვრებ 21 დევნილ ოჯახს სასოფლო-სამეურნეო საქმიანობისთვის მოტობლოკები გადაცა.

ამის შესახებ „ექსპრესნიუსს“  ლტოლვილთა და განსახლების სამინისტროდან აცნობეს.

მათივე ინფორმაციით, დევნილთა და განსახლების სამინისტრომ, მიმდინარე წელს, საქართველოში მოქმედი არასამთავრობო ორგანიზაციებისთვის საგრანტო კონკურსი გამოაცხადა.

იმერეთისა და სამეგრელო-ზემო სვანეთის რეგიონებში კონკურსში გამარჯვებულმა არასამთავრობო ორგანიზაციამ „აფხაზიინტერკონტი“ მიმდინარე წლის ივნისიდან პროექტის-„სოციალურ-ეკონომიკური ინიციატივები, ახალი შესაძლებვლობები, კონსტრუქციული და მდგრადი გარემო დევნილებისთვის“ განხორციელება დაიწყო.

პროექტის მიზანს დევნილთა შემოსავლების გაზრდა, განსახლების ადგილებზე სოციალურ-ეკონომიკური ინტეგრაცია და სახელმწიფო დახმარებაზე დამოკიდებულების შემცირება წარმოადგენდა.

პროექტის პრიორიტეტულ სამიზნე სეგმენტს გრძელვადიანი განსახლების პროგრამის ფარგლებში, საცხოვრებელი ფართით უზრუნველყოფილი დევნილები წარმოადგენენ.

პროექტით გათვალისწინებული იყო ბენეფიციართა 30%-იანი თანამონაწილეობით შემდეგი სასოფლო-სამეურნეო ინიციატივების მხარდაჭერა: მიკროგრანტები სასოფლო-სამეურნეო ინიციატივების მხარდაჭერა, სასოფლო-სამეურნეო იარაღების შესყიდვა, სასოფლო-სამეურნეო ტექნიკის/მექანიზაციის შესყიდვა, თვითდასაქმებაზე ორიენტირებული სოციალური ინიციატივების მხარდაჭერა.

პროექტის ბიუჯეტი შემდეგნაირად გადანაწილდა: იმერეთი-75 000 ლარი, სამეგრელო-ზემო სვანეთი-100 000 (ბენეფიციარი)

საგრანტო პროგრამის ტექნიკურ მხარდაჭერას სსიპ-დევნილთა საარსებო წყაროებით უზრუნველყოფის სააგენტო ახორციელებდა.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით