ქალაქის შიდა ტერიტორიების გამწვანების პროექტის ფარგლებში, ისანში,  საცურაო აუზ „ოლიმპიკთან“ გამწვანების აქცია გაიმართა.

აქციაში თბილისის მერის მოადგილე გიგა ნიკოლეიშვილი და გამწვანების საქალაქო სამსახურის უფროსი ნინო სულხანიშვილი   ადგილობრივ მცხოვრებლებთან  ერთად ჩაერთვნენ და  200-მდე შერეული სახეობების ხე-მცენარე დარგეს.

თბილისის სხვადასხვა რაიონში  გასამწვანებელი ადგილები ადგილობრივ  მოსახლეობასთან ერთად შეირჩა. ამჟამად შიდა ტერიტორიების ხეებით  შევსება მათივე მონაწილეობით აქტიურად  მიმდინარეობს. მიმდინარე სეზონზე საცხოვრებელი კორპუსების  მიმდებარედ, სკვერებში და   გამზირებზე 30 000-მდე ხე-მცენარე დაირგვება.

თბილისის მერის მოადგილის, გიგა ნიკოლეიშვილის თქმით, გამწვანების სამუშაოები მთელი ქალაქის მასშტაბით ინტენსიურ რეჟიმში ტარდება, გამწვანების აქციებში მოსახლეობის ჩართულობა კი ძალიან მაღალია.

მიმდინარე სეზონზე  დედაქალაქი სულ  80 000 ნერგით განაშენიანდება.  50 000  ხე-მცენარე  მახათას  მთაზე და  თბილისის  ზღვის გარშემო დაირგვება. დასარგავი  ხე-მცენარეების  სიმაღლე 1,5-3,5  მეტრი სიმაღლის  ფარგლებში  მერყეობს.  მათ  შორის,  5 000  ნერგის  სიმაღლე  2,5-3,5  მეტრია. საშემოდგომო  გამწვანების პროცესი  დეკემბრის  შუა რიცხვებამდე  გაგრძელდება.

სპეციალისტების რეკომენდაციით  საშემოდგომო  გამწვანებისთვის შერჩეულ  სახეობებს  შორისაა თეთრი  აკაციის, მინდვრის ნეკერჩხლის, იფანის, აღმოსავლური ჭადრის,  ზეთისხილის,  ჰიმალაის  კედარის,  კიპარისის,  ნუშისა და ვერხვის ნერგები.

ნარგავების მოვლა-პატრონობას კონტრაქტორი კომპანიები 4 წლის ვადით  უზრუნველყოფენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით