ბოლო პერიოდში საქართველოს სოფლის მეურნეობის სამინისტროს მიერ ადგილობრივი წარმოების ხელშემწყობი პროექტების შედეგად, მნიშვნელოვნად გაიზარდა პირველადი წარმოება როგორც მეცხოველეობის, ასევე მემცენარეობის სექტორში.

ამის შესახებ „ექსპრესნიუსს“ სოფლის მეურნეობის სამინისტროდან აცნობეს.

მათივე ინფორმაციით, 2015 წლის მონაცემებით, მემცენარეობის პროდუქციის გამოშვება ქვეყანაში 1.7 მლრდ ლარს, ხოლო მეცხოველეობის პროდუქციის - 1.8 მლრდ ლარს შეადგენს, რაც ბოლო ათწლეულების რეკორდული მაჩვენებელია.

ცნობისთვის, აღსანიშნავია, რომ წარმოების ზრდის პარალელურად, თანმიმდევრულად ხორციელდება ქართული პროდუქციისპოპულარიზაციისათვის საჭირო ღონისძიებები.

სახელმწიფოს მიერ აღნიშნული მიმართულებით გაწეული სამუშაოების შედეგად, 2016 წლის 23 ოქტომბრის მონაცემებით, აგროსურსათის ექსპორტი ევროკავშირის ქვეყნებში 6.2 მლნ აშშ დოლარით (3.8%) გაიზარდა 2015 წლის ანალოგიურ პერიოდთან შედარებით.

ევროკავშირის ქვეყნებში ძირითად საექსპორტო აგროპროდუქტებს წარმოადგენს თხილი, სპირტიანი სასმელები, ღვინო, მინერალური და მტკნარი წყლები. განსაკუთრებით აღსანიშნავია თხილის საექსპორტო შესაძლებლობები, რომელსაც დიდი პოტენციალი გააჩნია.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირი სანქციებსა და ვიზების შეზღუდვებს ამზადებს, რათა რუსებმა გლობალურ სპორტში დაბრუნება ვერ შეძლონ

ხაბეიშვილი - ვცდილობ სიმართლე გითხრათ: დაყენებული სახეები, ფონად წიგნები და ხალხის დაშტერება, მოტყუება, რომ ჩვენი ბედი ბრიუსელში ან “აშხაბადში” წყდება

სიძულვილით გამორჩეული სამხარაძის მევიოლინე მამას 4 ქალაქში კონცერტისთვის ბიუჯეტიდან 164 750 ლარს გადაუხდიან

საპატრიარქო შეშფოთებულია აზერბაიჯანში ქართულ ტაძარში მიმდინარე სამუშაოებით