საქართველოს იუსტიციის უმაღლესმა საბჭომ 12 მოსამართლე უვადოდ დანიშნა.

საბჭოს სხდომაზე იმ მოსასამართლეების დანიშვნას უყარეს კენჭი, რომელთაც 3-წლიანი გამოსაცდელი ვადა 29 ნოემბერს ეწურებათ.

თორმეტივე მოსამართლემ საბჭოს წევრთა ხმათა უმრავლესობა მოიპოვა.

უვადოდ დანიშნული მოსამართლეები არიან: ნატალია ნაზღაიძე, გიორგი მიროტაძე, გერმანე დადეშქელიანი, ნინო შარაძე, ციცინო კიკვაძე, მერაბ ღვინიაშვილი, ნანა ჯანხოთელი, გოჩა ფუტკარაძე, ხათუნა ხომერიკი, ნანა ჭიჭილეიშვილი, მურთაზ მეშველიანი და ლევან მიქაბერიძე. 

რაც შეეხება გახმაურებული საქმეების მოსამართლეებს, ნატალია ნაზღაიძემ , რომელიც სააპელაციო სასამართლოში „რუსთავი 2“- ის საქმეზე კოლეგიის თავმჯდომარე იყო, საბჭოს ყველა წევრის მხარდაჭერა მიიღო. გერმანე დადეშქელიანმა კი, რომელიც 7 ნოემბრის საქმეზე გიგი უგულავასა და ვანო მერაბიშვილისთვის წაყენებულ ბრალთან დაკავშირებით სასამართლო სხდომებს უძღვებოდა, საბჭოს 13 წევრმა დაუჭირა მხარი, 1 წინააღმდეგი იყო.

უვადოდ დანიშნული მოსამართლეები თანამდებობაზე საპენსიო ასაკის მიღწევამდე იმუშავებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ევროკავშირმა და სომხეთმა დაკავშირებადობის სფეროში პარტნიორობის შესახებ შეთანხმება გააფორმეს

რასა იუკნევიჩიენე: სამხრეთ კავკასიაში ევროკავშირის პერსპექტივა ცოცხალია, თუმცა მესმის ქართველების იმედგაცრუება, რომ თბილისი ამის მიღმა დარჩა

კობახიძეს ჯერა, რომ ევროპარლამენტარები თავს ესხმიან საქართველოში მედიის თავისუფლებას

თეთრი სახლის მახლობლად სროლა მოხდა: აშშ-ის საიდუმლო სამსახურმა მსროლელი დაჭრა