"პედაგოგების ხელფასებს საფრთხე არ ელოდება", - ამის შესახებ განათლებისა და მეცნიერების მინისტრმა თამარ სანიკიძემ ჟურნალისტებს მთავრობის ადმინისტრაციაში "ქამრების შემოჭერის" თემის კომენტირებისას  განუცხადა. 

როგორც მან აღნიშნა,  თანხების დაზოგვა მიმართული იქნება არა პროგრამულ, არამედ ადმინისტრაციულ ხარჯებზე. 

"სამინისტროში დაგეგმილი იყო რამდენიმე ადმინსტრაციული შენობის შეკეთება, ეს იყო დაკავშირებული თვითონ სამინისტროს შენობასთან, რომელიც იყო ავარიული, თუმცა კონსულტაციებს გავდივართ და შესაძლებელი იქნება ამ ხარჯების სამომავლოდ გადაწევა,  რეალურად თანხებს აქ დავზოგავთ. არის საუბარი საწვავის და  სატელეფონო ლიმიტების ოპტიმიზაციასთან", -აღნიშნა სანიკიძემ. 

მისივე თქმით, ხელფასები როგორც პედაგოგებს, ისე სამინისტროს თანამშრომლებს არ შეუმცირდებათ.  

" ეს ხელფასებს არ ეხება. ის ისედაც მინიმუმამდეა დაყვანილი. ძალიან კარგად იცით განათლების სამინისტროში ხელფასების და მითუმეტეს წახალისების ფორმატი დაბალია.  პედაგოგების ხელფას საფრთხე არ ელოდება. კიდევ ერთხელ, ეს არ არის პროგრამულ ხარჯებზე, ეს არის მხოლოდ ადმიისტრაციულ ხარჯებზე მიმართული", - განაცხადა თამარ სანიკიძემ

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ფიცო: რუსეთთან ომში სამშვიდობო შეთანხმების მიღწევა უკრაინული მხარის თანხმობის გარეშე შეუძლებელია

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა