„გაფორმებული ხელშეკრულება რუსეთსა და სამხრეთ ოსეთს შორის არღვევს საქართველოს სუვერენიტეტს და ტერიტორიულ მთლიანობას“,-ამის შესახებ ნატოს გენერალური მდივნის იენს სტოლტენბერგის განცხადებაშია აღნიშნული.

ალიანსის გენერალური მდივანი აღნიშნავს, რომ ნატო რუსეთსა და ოკუპირებულ ცხინვალს შორის ე.წ. ინტეგრაციის შესახებ გაფორმებულ დოკუმენტს არ ცნობს. 

"ეს ე.წ. შეთანხმება არის კიდევ ერთი ნაბიჯი რუსეთის მხრიდან, შეაფერხოს საერთაშორისო საზოგადოების მცდელობა რეგიონში სტაბილურობისა და უსაფთხოების განმტკიცებასთან მიმართებით. ის არღვევს საქართველოს სუვერენიტეტსა და ტერიტორიულ მთლიანობას და უხეშად ეწინააღმდეგება საერთაშორისო სამართლის პრინციპებს, ასევე რუსეთის მიერ აღებულ საერთაშორისო ვალდებულებებს“, - განაცხადა სტოლტენბერგმა.

ცნობისთვის, რუსეთის ფედერაციასა და ოკუპირებულ სამხრეთ ოსეთს შორის ე.წ. მოკავშირეობის ხელშეკრულება გაფორმდა, რომელსაც  რუსეთის პრეზიდენტმა ვლადიმერ პუტინმა და სამხრეთ ოსეთის დე ფაქტო ლიდერმა ლეონიდ თიბილოვმა  მოაწერეს ხელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Global Finance: საქართველოს ბანკი რეგიონში საუკეთესო სამომხმარებლო ციფრული ბანკია ონლაინ პროდუქტების შეთავაზების და დაკრედიტების მიმართულებით

შენი ავტოსაჭიროებები ერთ სივრცეში - მობაილბანკში ავტო კომფორტი განახლდა

რა იცვლება დაგროვებითი პენსიის შესახებ კანონში

81 ათასი ოჯახი ქონების გადასახადს აღარ გადაიხდის - შემოსავლების სამსახურის უფროსი