საქართველო გენდერული თანასწორობის რეიტინგში მსოფლიოს 144 ქვეყანას შორის  90-ე ადგილს იკავებს, - ამის შესახებ მსოფლიო ეკონომიკური ფორუმის ანგარიშშია ნათქვამი.

ანგარიშის თანახმად, გენდერული თანასწორობის მიხედვით საქართველოს მდგომარეობა ბოლო ერთი წლის განმავლობაში გაურესდა. 2015 წელს ქვეყანა რეიტინგში 82-ე ადგილს იკავებდა.

აღსანიშნავია, რომ პირველ სამ ადგილს სიაში ისლანდია, ფინეთი და ნორვეგია იკავებენ.

რეიტინგის შედგენისას გათვალისწინებულია ქალთა და მამაკაცთა მდოგომარეობა, როლი და უფლებები საზოგადოებრივი და ეკონომიკური ცხოვრების სხვადასვა სფეროში, ასევე პოლიტიკაშიც.

ცნობისთვის, ფორუმის მიერ შედგენილი რეიტინგი 4 ძირითად პარამეტრს ეყრდნობა.

საქართველო 61 ადგილს იკავებს ეკონომიკურ სფეროში ქალთა და მამაკაცთა თანასწორობის უზრუნველყოფის მიხედვით, 78-ე პოზიციაზეა განათლების ხელმისაწვდომობის კუთხით, ჯანდაცვის სფეროში შესაძლებლობების მიხედვით კი 119-ე, პოლიტიკური ძალაუფლების ფლობის მიხედვით ქვეყანა 114-ე ადგილზეა.

რაც შეეხება მეზობელ ქვეყნებს, გენდერული თანასწორობის მიხედვით, აზერბაიჯანი საქართველოს ოთხი პოზიციით უსწრებს და 86-ე ადგილს იკავებს, რეიტინგში 75-ეა რუსეთი, სომხეთი 102-ე ადგილზე, ხოლო თურქეთი 130-ზე.

144 ქვეყანას შორის ბოლო ადგილებს სირია, პაკისტანი და იემენი იკავებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ნანუკა ჟორჟოლიანი ენმ-სთან კონსულტაციებს ადასტურებს

4 ოქტომბრის საქმეზე დაკავებული კიდევ 6 პირი საპროცესო შეთანხმებით გაათავისუფლეს

გალტ & თაგარტის ჩართულობით, ინვესტორებმა UzNIF-ის ისტორიულ IPO-ში მონაწილეობა მიიღეს

SOLO და სუხიშვილები წარმოგიდგენთ: "თაკარა" - ვინილი, რომელიც მოძრაობას ბგერად აქცევს