დავით რაქვიაშვილს აქვს სერიოზული გამოცდილება, როგორც შეერთებულ შტატებთან, ისე რუსულ მხარესთან ურთიერთობის თვალსაზრისით, - ამის შესახებ საქართველოს პრეზიდენტმა გიორგი მარგველაშვილმა უშიშროების საბჭოს ახალი მდივნის წარდგენისას განაცხადა.

მისი თქმით, რაქვიაშვილი აღნიშნული თანამდებობისთვის ძალიან საინტერესო და მნიშვნელოვანი კადრია.

"მინდა საზოგადოებას წარვუდგინო უშიშროების საბჭოს ახალი მდივანი ბატონი დავით რაქვიაშვილი. ბატონი დავითი ამ თანამდებობისთვის ძალიან საინტერესო და მნიშვნელოვანი კადრია. მას აქვს სერიოზული გამოცდილება. ის იყო რეინტეგრაციის საკითხებში სახელმწიფო მინისტრის მოადგილე, მონაწილეობდა ჟენევის მოლაპარაკებებში, ინციდენტის პრევენციის მექანიზმში და გამომდინარე აქედან აქვს სერიოზული გამოცდილება, როგორც შეერთებულ შტატებთან ურთიერთობის თვალსაზრისით, ასევე რუსულ მხარესთან ურთიერთობის სერიოზული გამოცდილებაც აქვს. გარდა ამისა, შეერთებულ შტატებში ის იყო ელჩის მოადგილე და ამ მნიშვნელოვან როლს ასრულებდა. მე და ბატონი დავითი ფაქტიურად ერთად ვქმნიდით საქართველოს საზოგადოებრივ საქმეთა ინსტიტუტს, რომელსაც მე ვხელმძღვანელობდი. ის იყო გამგეობის წევრი და ამ თვალსაზრისით სერიოზული გამოცდილება გააჩნია. პიროვნულ კონტექსტში გეტყვით, რომ არის ჩემი თაობის ერთ-ერთი ყველაზე გამოჩენილი ალპინისტი. ვისაც მთაში უვლია კარგად იცნობს ბატონ დავითს. ეს სერიოზული პიროვნული მაჩვენებელია, რაც საჭირო არის იმისთვის, რომ უშიშროების საბჭოში იმუშავოს და ემსახუროს ქვეყნის გაძლიერებასა და თავდაცვისუნარიანობას. ბატონი დავითი ასევე, მუშაობდა სხვა საგანმანათლებლო დაწესებულებების განვითარების და დაფუძნების პროცესში. ახლო ურთიერთობის 30 წლიანი გამოცდილება გვაქვს", - განაცხადა მარგველაშვილმა.

ცნობისთვის, უშიშროების საბჭოს მდივნის პოსტს ირინე იმერლიშვილი იკავდება, თუმცა მას შემდეგ, რაც იგი პრეზიდენტმა საკონსტიტუციო სასამართლოს მოსამართლედ დანიშნა, საბჭოს მდივნის პოსტი ვაკანტური იყო. აღნიშნულ თანამდებობაზე პრეზიდენტმა დღეს დავით რაქვიაშვილი დანიშნა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა