კანონის უზენაესობის მსოფლიო ინდექსში საქართველოს მაჩვენებლები შარშანდელთან შედარებით გაუარესდა, თუმცა აღმოსავლეთ ევროპისა და ცენტრალური აზიის ქვეყნებში კვლავ მოწინავე პოზიციები უკავია, - ამის შესახებ საერთაშორისო არასამთავრობო ორგანიზაცია “მსოფლიო მართლმსაჯულების პროექტის” (WJP) მიერ გამოქვეყნებულ განცხადებაშია ნათქვამი.

როგორც ანგარიშშია აღნიშნული, 113 ქვეყანას შორის, საქართველომ 34-ე ადგილი დაიკავა.

კანონის უზენაესობის 2016 წლის ინდექსი, რომლის მიხედვით, საქართველომ, 113 ქვეყანას შორის 34-ე ადგილი დაიკავა. შარშან, ანალოგიურ ინდექსში საქართველოს, 102 ქვეყანას შორის 29–ე ადგილი ეკავა.

ორგანიზაციის ანგარიშის თანახმად, აღმოსავლეთ ევროპისა და ცენტრალურ აზიაში, კანონის უზენაესობის კუთხით საქართველოს პოზიცია ყველაზე მაღალია.

კანონის უზენაესობის ინდექსის შედგენისას, ისეთი კრიტერიუმები გაითვალისწინეს, როგორიცაა სახელისუფლებო ინსტიტუტების უფლებამოსილების შეზღუდვა, კორუფციის არარსებობის დონე, მთავრობის ღიაობა, ფუნდამენტალური უფლებების დაცვა, წესრიგისა და უსაფრთხოების დაცვა, სამოქალაქო მართლმსაჯულება და სისხლის სამართლის მართლმსაჯულება.

ანგარიშის მიხედვით, საქართველოს ყველაზე მაღალი მაჩვენებლები კორუფციის არარსებობის კუთხით აქვს, ხოლო ყველაზე დაბალი, სახელისუფლებო ინსტიტუტების უფლებამოსილების შეზღუდვის კუთხით და ფუნდამენტალური უფლებების დაცვისა.

როგორც WJP-ს ანგარიშშია ნათქვამი, კანონის უზენაესობის მსოფლიო ინდექსში თურქეთი 99-ე ადგილს, მოლდოვა 77-ს, უკრაინა 78-ს, ბელარუსი 57-ს, რუსეთი კი 92-ე ადგილს იკავებენ. .

პირველ ადგილს დანია იკავებს, ბოლოს კი ვენესუელა

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ერდოღანი: ევროპას თურქეთი უფრო სჭირდება, ვიდრე თურქეთს ევროპა

კოსტა: ევროპისთვის მნიშვნელოვანია სომეხი ხალხის თავისუფლების დაცვა, რათა მათ საკუთარი ბედი თავად აირჩიონ

პოლტავის რეგიონში რუსეთის საჰაერო დარტყმის შედეგად ოთხი ადამიანი დაიღუპა, 31 დაიჭრა

ჟურნალისტი გურამ როგავა, აცხადებს, რომ მასზე თავდამსხმელის ვინაობა დაადგინა